Sionist rejimin Tülkərm şəhərindəki bir avtomobilə hücumunda Qəssam qüvvələrindən ikisi şəhid olub və digər 3 nəfər isə yaralanıb.
Xarici KİV-in verdiyi məlumata görə, sionistlərin İordan çayının qərb sahillərinin şimalındakı Tülkərim şərqində yerləşən Nuru-Şəms düşərgəsi yaxınlığındakı Nablus küçəsində bir avtomobilə dron hücumu nəticəsində 2 fələstinli şəhid olub.
Fələstin Səhiyyə Nazirliyi də sionist rejimin Tülkərm şəhərində bir maşını dron vasitəsi ilə partlatması səbəbi ilə 2 fələstinlinin şəhid olması və 3 nəfərin isə yaralanmasını təsdiqləyib.
Fələstin xəbər agentliklərindən biri bildirib: Sionistlərə aid pilotsuz uçuş aparatı bu avtomobili Nuru-Şəms düşərgəsinin girişindəki Nablus küçəsindən keçən zaman hədəfə alıb ki, bu da, onun alovlanmasına və Tülkərm düşərgəsindən olan Ramiz Dəmirinin və İhab Əbu Ətivinin şəhid olması ilə nəticələnib.
Yerli mənbələrin verdiyi məlumata əsasən, sionist qüvvələri Tülkərm şəhərindəki “Sabit Sabit” xəstəxanasını mühasirəyə alıblar. Həmçinin sionist rejimin xüsusi qüvvələrinin Tülkərm düşərgəsinə nüfuz etməsinin ardınca güclü atışma səslərinin eşidildiyi barədə məlumat verilib.
HƏMAS hərəkatı da göndərdiyi ismarıcda İhab Əbu Ətivinin və Ramiz Dəmirinin şəhid olması münasibəti ilə baş sağlığı verib.
HƏMAS bu insanların terrora məruz qalmasını işğalçıların cinayətlərinin davamının təsdiqi kimi qiymətləndirib və şəhidlərin qanının hədər getməyəcəyini vurğulayaraq, İordan çayının qərb sahillərindəki insanları daha çox qarşıdurmaya və müqaviməti gücləndirməyə çağırıb.