Sionist rejimi ordusunun İordan çayının qərb sahillərində yerləşən Cenin şəhərinin ətrafındakı Qabatiyyə qəsəbəsində bir avtomobilə hava hücumu nəticəsində 2 fələstinli gənc şəhid olub.
Sionist rejimin Ceninə hücumları davam edir və müqavimət qüvvələri ilə sionist rejimi ordusunun hərbiçiləri arasındakı toqquşmalar Cenin ətrafında və düşərgəsində baş verib.
Şahidlərin sözlərinə görə, işğalçı İsrail rejimi cümə günü axşam Cenin şəhərinin ətrafındakı Qabatiyyə qəsəbəsində bir avtomobili hədəfə alıb. Bunun nəticəsində də, 2 fələstinli gənc şəhid olub və bir sıra insan isə yaralanıb.
Yerli mənbələr bildiriblər ki, Cenin düşərgəsindəki əd-Dəmc məhəlləsində müqavimət qüvvələri ilə sionist hərbiçiləri arasında güclü toqquşmalar baş verib.
Verilən məlumata əsasən, sionist rejimi ordusu cümə günü Cenin şəhəri, düşərgəsi və ona yaxın kənd və qəsəbələrdə hərbi əməliyyatlarını gücləndirib.
Bu hücumlar zamanı İsrail rejimi ordusunun hərbiçiləri Qabatiyyədəki bir mənzili minaatanla hədəfə alıb və yaşlı bir fələstinlini də atəş açaraq yaralayıblar.
Xəbər saytlarından birinin yazdığına görə, hücumlar başlayan vaxtdan bəri sionist ordusuna aid buldozerlər Cenin düşərgəsindəki infrastrukturları və mağazaları dağıdıblar.
Sionist rejimi ordusu həyata keçirdiyi hücumlarda fələstinlilərin evlərini yandırıb. Onlar fələstinlilərin çoxunun evini dağıtmaq üçün ağır texnikalardan istifadə ediblər.
İsrail rejimi ordusu, həmçinin bu şəhərdəki onlarla sakini həbs edib və araşdırma aparılması üçün şəhərin yaxınlığındakı istintaq mərkəzlərinə aparıb.