Media mənbələri sionist rejimin Livanın cənubuna olan təcavüzkar hücumunda 8 livanlının şəhid olması və yaralanması barədə məlumat veriblər.
Livanın milli xəbər agentliyi sionist ordusunun Livanın cənubunda yerləşən “Teyrdiba” qəsəbəsində iki avtomobili bombalaması nəticəsində 6 livanlının şəhid olduğunu və 2 livanlının isə yaralandığını açıqlayıb.
Bundan əlavə, sionist rejimi ordusu Livanın cənubundakı “Bəni Həyyan” qəsəbəsinin mərkəzinə və “Əyta əş-Şəb” qəsəbəsinin ətrafına hücum edib.
Atəşkəsin pozulması Livan hökumətini sionist rejimin pozuntularına qarşı növbəti dəfə Təhlükəsizlik Şurasına şikayət etməyə vadar edib.
Livan hökuməti Təhlükəsizlik Şurasından hücumların dayandırılması və zərər çəkmiş bölgələrdəki əkinçilərin və balıqçıların hüquqlarının təmin olunması üçün təcili addımlar atmasını, həmçinin sionist rejimin cəzalandırılması və Livana qarşı təcavüzləri nəticəsində dəymiş bütün zərərləri ödəməsinə məcbur edilməsi üçün lazımı tədbirlər görməsini istəyib.
Livan hökuməti Təhlükəsizlik Şurasına üzv olan, xüsusi ilə atəşkəs razılaşmasına nəzarət edən ölkələrdən də istəyib ki, bu razılaşmanın sionist rejimi tərəfindən davamlı şəkildə pozulması qarşısında qətiyyətli və aydın mövqe sərgiləsinlər.
Livan hökumətinin Nazirlər kabineti Dekabr ayının əvvəlləri ordunun Litani çayının cənubundakı ərazidə yerləşməsinə razılıq verib. Livan ordusunun ölkənin cənubunda yerləşməsinin gücləndirilməsi Livanla sionist rejimi arasındakı atəşkəs razılaşmasının icra olunması çərçivəsində baş tutub. Bunun icrası isə BMT-nin Təhlükəsizlik Şurasının 1701 saylı qətnaməsinə uyğun olaraq Noyabrın 27-dən başlayıb.
Atəşkəs razılaşmasının icra olunduğu vaxtdan etibarən, sionist rejimi ordusu onu yüzlərlə dəfə pozub. Bu pozuntular bundan öncə də Livan hökumətini sionist rejimini BMT-nin Təhlükəsizlik Şurasına şikayət etməyə vadar etmişdi.