Xəbər mənbələri sionist rejimin Yəmənə hücumu zamanı bir neçə nəfərin şəhid olması və yaralanması barədə məlumat veriblər.
Xəbər mənbələrinə istinadən verilən məlumata əsasən, sionist rejimin Səna Hava Limanına qarşı təcavüzü BMT-nin iki rəsmi şəxsinin, yəni Ümumdünya Səhiyyə Təşkilatının baş direktoru və BMT-nin Yəməndəki koordinatorunun bu hava limanında olduqları zaman baş verib.
Xəbər mənbələri, həmçinin sionist rejimin hava limanına hücumunun ardınca BMT təyyarəsinin ikinci pilotunun yaralandığını bildiriblər. Cümə axşamı axşam saatlarında baş verən bu təcavüzdə hava limanının 3 işçisi şəhid olub və 16 nəfər isə yaralanıb.
Həmçinin sionist rejimin əl-Hudeydəyə olan hücumlarında ilkin statistikaya əsasən, 2 nəfər şəhid olub və bəz insanlar isə yaralanıb.
Ənsarullah təşkilatının sözçüsü Məhəmməd Əbdüs-Salam sionist rejimin Yəmənə hücumları barəsində deyib: Bu, Fələstin xalqından on minlərlə insanı qətlə yetirən və Qəzzədə soyqırım törədən cinayətkar düşmənin üslubudur.
O, vurğulayıb: Əgər sionist rejimi cinayətlərinin Yəmənin Qəzzəni dəstəkləməsinə mane olacağını təsəvvür edirsə, xəyallar içində yaşayır. Yəmən dini və insani prinsiplərini və dəyərlərini tərk etməyəcək.
Qeyd olunan hücumda Beynəlxalq Səna Hava Limanı, Həziz elektrik stansiyası və əl-Hudeydə dəniz limanı hədəfə alınıb.
Sionist rejimin Səna və əl-Hudeydəyə hücumları Ənsarullah hərəkatının rəhbəri Əbdül-Məlik Bədruddin əl-Husinin həftəlik çıxışı ilə eyni zamanda baş verib. O, çıxışında vurğulayıb ki, Yəmənin sionist rejiminə qarşı hücumları Qəzzəyə qarşı təcavüzlər dayanana qədər dayanmayacaq.