Sionist rejimin cümə axşamı günü Qəzzə zolağının müxtəlif bölgələrinə hücumunda 14 fələstinli şəhid olub və bir neçə nəfər isə yaralanıb.
Xan Yunisdəki Məhəmməd Əbu Ubeyd adlı jurnalist verdiyi məlumatda bildirib: Qəzzə şəhərinin cənubunda yerləşən əs-Sabra məhəlləsindəki “əd-Dəhşan” ailəsinin evinin İsrail təyyarəsi tərəfindən bombalanması nəticəsində 8 fələstinli, o cümlədən 2 uşaq və 3 qadın şəhid olub.
O, qeyd edib: Yaralar ağır olduğundan və Qəzzə zolağının şimal xəstəxanalarında kifayət qədər imkan olmadığından bu hücumda şəhid olanların sayının artması ehtimal olunur.
Jurnalist 4-21 günlük 3 körpənin cənazəsinin Nasir xəstəxanasına aparılmasını bildirərək deyib: Bu körpələr Xan Yunis şəhərinin qərb bölgələrindəki köhnə çadırlarda soyuq hava səbəbindən həyatlarını itiriblər.
Qaçqınlar köhnəlmiş çadırlarda soyuqdan əziyyət çəkirlər və sionist rejimi qaçqınlara yeni çadırların və qida maddələrinin gətirilməsinin, onlara zəruri köməklərin olunmasının qarşısını qəsdən alır.