Sionist rejimin ordusu Qəzzə zolağının şimalında yerləşən “Kamal Üdvan” xəstəxanasının yaxınlığında bir binaya hücum etməklə 50 nəfərə yaxın fələstinlini, o cümlədən xəstəxananın bir neçə işçisini şəhid edib.
Bu xəbəri cümə günü səhər saatlarında “Kamal Üdvan” xəstəxanasının rəhbəri “Həssam Əbu Səfiyyə” verib və deyib: Kamal Üdvan xəstəxanası İsrail qırıcıları tərəfindən bombalandıqdan sonra xəstəxana işçilərindən 3 nəfər də daxil olmaqla, 50 nəfərə yaxın insan şəhid olub.
Əbu Səfiyyə əlavə olaraq bildirib: Bu hücumda şəhid olan işçilər ailələri ilə birlikdə xəstəxanada qalırdılar.
O, açıqlamasında bildirib: Uşaq həkimi “Əhməd Səmur”, xəstəxananın laboratoriya bölməsinin işçisi xanım “İsra” və xəstəxana texniklərindən olan “Faris” adlı şəxs şəhid olanlar arasındadır.
“Kamal Üdvan” xəstəxanasının rəhbəri, həmçinin sionist ordusunun digər bir hücumda Kamal Üdvan xəstəxanasının 500 metrliyində yerləşən “Dəvvar Zayid” məntəqəsində fələstinli 2 xilasedicini şəhid etdiyi barədə məlumat verib.
Bundan əlavə, Əbu Səfiyyə qeyd edib ki, bu xilasedicilər xəstəxana istiqamətində hərəkət edərkən hücuma məruz qalıblar. Onların cəsədləri küçədə qalıb və kimsə bu xilasedicilərə yaxınlaşa bilmir.
Əlaqədar xəbərlər
