Qəzzədəki Dövlət İnformasiya Ofisi 1000-dən çox həkim və tibb bacısının şəhid olmasına işarə edərək, sionist rejimin öz bombardmanlarını mülki insanların toplaşdığı yerə və qaçqınların məskunlaşdığı mərkəzlərə yönəltdiyi barədə məlumat verib.
Xarici KİV-in verdiyi məlumata əsasən, HƏMAS-ın Qəzzədəki Dövlət İnformasiya Ofisi Dekabrın 10-u verdiyi bəyanatda sionist hərbiçilərinin bu zolağın bütün keçidlərini 200 gün əvvəldən indiyə qədər bağladıqlarını bildirib.
Bu qrumun verdiyi məlumata görə, sionist rejimi bugün (10 Dekabr) Qəzzə zolağının şimalında yerləşən Beyti Hanunda qətliam törətməklə 25 fələstinlini şəhid edib.
Qeyd olunan qrum sionist rejimin Qəzzə zolağında 1000-dən çox həkim və tibb bacısını şəhid etməsinə toxunaraq bildirib: Sionist rejimi öz bombardmanlarını mülki insanların toplaşdığı yerə və qaçqınların məskunlaşdığı mərkəzlərə yönəldib.
Bəyanatda deyilib: Sionist rejimi gizli məqsədlərinin, xüsusən də Fələstin xalqının kütləvi şəkildə öldürülməsinin həyata keçməsinə çalışır.
Bəyanatda, həmçinin qeyd olunub ki, Qəzzə zolağı insan fəlakətinə şahiddir; silahlarını sionist rejimin ixtiyarına verən ölkələrin dəstəyi ilə baş verən bir fəlakət.