“Sərhədsiz Reportyorlar” təşkilatı (Dekabr ayının 12-də) sionist rejimin 2024-cü ildə öldürülən jurnalistlərin üçdə birinin ölüm səbəbi olduğunu açıqlayıb.
Xarici KİV-in verdiyi məlumata görə, “Sərhədsiz Reportyorlar” təşkilatı (RSF) jurnalsitlərin 2024-cü ildəki vəziyyəti ilə bağlı ümumi hesabatında (12 Dekabr) Qəzzənin jurnalistlər üçün ən təhlükəli yerə çevriliyini qeyd edib.
Təşkilatdan, həmçinin bildirilib ki, dünya səviyyəsində ümumi jurnalist itkisinin 30%-dən çoxu Qəzzə müharibəsinin hadisələrini çatdıran zaman həyatlarını itirən insanlar olub. Hesabatda deyilir: “Qəzzə: 2024-cü ildə jurnalistlər üçün ən təhlükəli bölgə, Sərhədsiz Reportyorlar təşkilatının ən son məlumatlarına görə, Qəzzə zolağı iş zamanı öldürülən jurnalistlərin təxminən 30%-nə şamil olur. Onlar İsrail ordusu tərəfindən öldürülüblər.”
Bundan əlavə, qeyd olunan hesabata əsasən, 2023-cü ilin Oktyabrında sionist rejimin hücumları başlayan vaxtdan indiyə qədər Fələstində 145 jurnalist qətlə yetirilib ki, onların da azı 35-i iş zamanı öldürülüb. İsrailin atdığı addımlara görə, Fələstin son 5 ildə jurnalistlərin ən yüksək ölüm statistikasına sahib olub.
Hesabatın davamında deyilir ki, sionist rejimi Qəzzə müharibəsi başlayan vaxtdan sonra dünyada ən çox jurnalist həbs edib. Buna görə də, o, dünyada üçüncü jurnalist həbsxanasına çevrilib.
Sionist rejimin Qəzzədəki cinayətləri hələ də davam edir və indiyə qədər 45000-dən çox fələstinli şəhid edilib və 106000-dən çox insan isə yaralanıb.
Əlaqədar xəbərlər
