Sionist rejimi Qəzzədə növbəti dəfə hərbi cinayət törədib və Qəzzə zolağının cənubunda fələstinli köçkünlərin çadırlarını bombalamaqla bir sıra fələstinlini öldürüb.
Verilən məlumata əsasən, işğalçı ordunun ötən çərşənbə günü Qəzzə zolağının cənubunda yerləşən Xan Yunisin cənubundakı əl-Məvasi məntəqəsində olan qaçqın çadırlarına qarşı törətdiyi vəhşi hücum bir sıra fələstinlinin şəhid olması ilə nəticələnib.
Bu cinayətlə bağlı yayılan videolar sionist rejimin vəhşilik səviyyəsini çox yaxşı göstərir.
Bu hücumda şəhid olan fələstinlilərin sayının 17 nəfərə çatdığı bildirilib.
Çərşənbə günü həyata keçirilən bu hücumla eyni zamanda Fələstin Səhiyyə Nazirliyi bəyanat verərək, bildirib: Sionist rejimi ordusu ötən 24 saat ərzində Qəzzə zolağında üç cinayət törətməklə 30 fələstinlini şəhid edib və digər 84 nəfəri isə yaralayıb.
Sionist rejimin həbsxanasında digər bir əsirin şəhid olması
Fələstinli Əsirlər və Azad İnsanların İşləri İdarəsi və Fələstin Məhbuslar Klubu Tülkərmdəki Nuru-Şəms düşərgəsi sakini 45 yaşlı əsir Məhəmməd Vəlid Hüseyn Əlinin sionist rejimin həbsxanasında şəhid olduğunu açıqlayıblar.
Bu fələstinli məhbus bu yaxınlarda işğalçı İsrail hərbiçiləri tərəfindən həbs edilmişdi. O, əvvəllər 20 il sionist rejimin həbsxanalarında əsir olub.
Ötən ilin Oktyabr ayının 7-də Qəzzəyə qarşı başlayan müharibədən indiyə qədər 40-a yaxın fələstinli əsir sionist rejimin həbsxanalarında şəhid edilib.