İsrail ordusunda müzdlulardan istifadə tarixi onilliklərlə əvvələ, hətta bu rejimin işğal olunmuş Fələstində yaradılmasından əvvələ qayıdır. “Mahal” təkilatının İsrail ordusu üçün muzdlu toplamaqda xüsusi yeri var.
İsrail ordusu hər il minlərlə xarici muzdurdan istifadə edir. Onlar müavinətlərdən və gəlirli maaşlardan istifadə etmək həvəsi ilə müharibə, İsrail daxilində və xaricində kəşfiyyat və təhlükəsizlik əməliyyatları yerinə yetirmək üçün xidmətə cəlb olunurlar.
Muzdlular İsrail ordusunun müxtəlif bölmələrində xidmət göstərir, döyüş əməliyyatlarında, logistika dəstəyi və daxili qüvvələrin təlimlərində iştirak edirlər. Həmçinin onlar qəsəbələrin təhlükəsizliyinin təmin olunmasında, köçkünlərin fələstinlilərə qarşı zorakı hücumlarında və müqavimət fəallarına qarşı sui-qəsddə iştirak edirlər.
Muzdluların xidmətə götürülməsi İsrail rejimində köhnə bir fenomendir və onun tarixi bu rejimin yarandığı zamana qayıdır. Bu hadisə İsrail rejiminin formalaşmasında mühüm rol oynayır. Buna görə də, çox tez bir zamanda ona institusional mövqe verildi, onun üçün xüsusi maliyyə, sosial və hüquqi baza yaradıldı. Bu rejimin ən əsas müdafiə və dəstək orqanlarından birinə çevrilən bu muzdluların İsrail cəmiyyətinə qarışması üçün çoxlu səylər göstərildi.
Tarixi kökləri
Muzdluların cəlb olunması İsrailin qurulmasının doktrinasının bir hissəsidir və 1940-cı illərə qayıdır. O illərdə cinayətkar sionist dəstələri və qrupları sionistlərin kənarında döyüşmək və Fələstin torpaqlarını zəbt etmək, fələstinliləri didərgin salmaq və onların İsraili yaratmaqla bağlı planlarını dəstəkləmək üçün “Mahal” təşkilatı (xarici könüllülər) vasitəsi ilə muzdluları dünyanın müxtəlif yerlərindən cəlb edirdirlər.
Mahal təşkilatı 1947-1949-cu illər ərzində dünyanın 56 ölkəsindən 4400 muzdlu cəlb etməyi bacardı. Bu muzdluların çoxunu ikinci dünya müharibəsində iştirak edib, hərbi təcrübəyə və yüksək döyüş bacarıqlarına sahib olan əsgərlər təşkil edirdi.
Bu hərbiçilər 1948-ci ildəki Nikbət müharibəsində və ondan əvvəl də iştirak ediblər. Onlar arasında ikinci dünya müharibəsindən qalan pilotlar olduğuna görə, onların ən mühüm xidmət bölmələrindən biri İsrail Hava Qüvvələri idi. Onlar, həmçinin yəhudi pilotların təlimində mühüm rol oynayıblar.
Cəlb olunan bu muzdlular fələstinlilərə qarşı etnik təmizləmə və soyqırım əməliyyatlarında iştirak edib, cinayətkar sionist dəstələri ilə birgə fələstinlilərə qarşı çoxlu cinayətlər törədiblər.
Onlar sionistlərə göstərdikləri xidmət müqabilində böyük məbləğdə pul alırdılar. Sionist rejimin o vaxtkı baş naziri “David Ben Qurin” müharibədə göstərdikləri səylərə görə onlara xüsusi təşəkkürünü bildirməklə yanaşı, onlara fəxri nişanlar və İsrail vətəndaşlığı verib.
İsrail ordusunun əsas sütunu olan muzdlular
1948-ci ildə İsrail rejiminin yaradılması elan edildikdən sonra sionist dəstələri İsrail ordusunun əsasına, muzdlular isə xüsusi ilə hava qüvvələrində onun əsas sütununa çevrildilər. Bəziləri də Mossada qoşuldular.
İsrail ordusunda muzdlulardan istifadə olunması davam etdi, onlara külli miqdarda büdcə ayrıldı, onlara yüksək maaşlar və xidmətini başa vurmaq müavinətləri verildi. İsrail ordusu muzdluların cəlb olunmasını yəhudilərlə məhdudlaşdırmadı ki, digər dinlərə də şamil olsun. Bununla da, qeyri-yəhudi muzdluların iştirakı İsrail ordusunda geniş yayılmış bir fenomenə çevrildi. Bu rejim 1956, 1967 və 1973-cü illərdə ərəblərə qarşı müharibələrin hamısında, daha sonra Livanda, Qəzzə zolağında və İordan çayının qərb sahillərindəki müharibələrdə, həmçinin qəsəbələrin qorunmasında, fələstinlilərin əzilməsi və onların evlərinə hücum olunmasında və müqavimət döyüşçülərinə qarşı sui-qəsd olunmasında onlardan istifadə edib.
Muzdlular İsrail ordusuna qoşulmazdan öncə İsrail Müdafiə Nazirliyinin nəzarəti altında fiziki və psixoloji hazırlığa şamil olan hazırlıq kursu keçirlər.
Onların İsrail cəmiyyətinə inteqrasiyası üçün işğal olunmuş Fələstinin müxtəlif yerlərinə səfərlər, İsrailin dini məkanlarını və muzeylərini ziyarət və İsrail cəmiyyətinin müxtəlif dairələri ilə tanışlıq nəzərdə tutulur. Ən mühüm hazırlıqlardan biri də ivrit dilini öyrənmək üçün təşkil edilən dərslərdə iştirak etməkdir.
Əlaqədar xəbərlər
