İsrail ordusu Qəzzə zolağında beynəlxalq yardım təşkilatlarından birinin işçilərinə hücum etməklə onların bəzisinin həyatına son qoyub.
Xarici KİV-in verdiyi məlumata görə, bugün (şənbə günü) səhər bu hücumda 4 nəfər həyatını itirib. Onlardan azı 2-si “Dünya Mərkəzi Mətbəx” təşkilatının işçiləri olub. Bu təşkilatın Qəzzədə mühasirə altında olan insanlara qida yardımları göstərilməsində təsirli rolu var.
Verilən məlumata əsasən, bu hücumda bu yardım təşkilatının maşınlarından biri Qəzzə zolağının cənubunda yerləşən Xan Yunis şəhərinin şimal-şərqindəki “Səlahəddin” küçəsində hücuma məruz qalıb.
İlk dəfə deyil ki, İsrail rejimin ordusu Qəzzədə beynəlxalq təşkilata aid maşını hədəfə alır.
Sionist rejimin ordusu Aprel ayının 2-də də Qəzzə zolağında Dünya Mərkəzi Mətbəx təşkilatının maşınına hücum etmiş və onun könüllü olaraq Qəzzə xalqı arasında qida paylayan bir sıra işçisini qətlə yetirmişdi.
İsrail rejiminin bu hərəkəti dünya ölkələrinin bur çoxunun şiddətli reaksiyasına səbəb olmuşdu. Beləki, bəzi ölkələr bu cinayətə etiraz olaraq öz səfirlərini işğal olunmuş Fələstindən geri çağırmışdılar.