Livan tibb mənbələri sionist rejimin hücumları nəticəsində indiyə qədər 5 xəstəxananın fəaliyyətinin dayandığı haqda məlumat veriblər.
Sionist rejimi Qəzzədə olduğu kimi Livanın cənubundakı bölgələrdə xəstəxanaları və müalicə mərkəzlərini sıradan çıxarmaqdadır.
Livan Həkimlər Birliyinin rəhbəri Yusif Bəxxaşın sözlərinə görə, sionist rejimin hücumları Livanın onlarla müalicə mərkəzinin fəaliyyətinə mənfi təsir göstərib. Beləki, 5 xəstəxana tamamilə xidmət sırasından çıxarılıb və 22 xəstəxanaya isə ziyan dəyib.
Sionist rejimin Livana hücumları indiyə qədər azı 150 tibb işçisinin, o cümlədən 4 həkimin şəhid olması ilə nəticələnib. Həmçinin 100 ilkin müalicə mərkəzi bağlanıb və 150 təcili yardım maşını məhv edilib. Təkcə Oktyabrın 22-də bu rejimin Rəfiq Həriri xəstəxanasının yaxınlığına olan hücumunda azı 18 mülki şəxs şəhid olub və xəstəxana binalarına ciddi ziyan dəyib.
Mədəni və səhiyyə strukturlarını sıradan çıxarmaq üçün İsrailin əli uzundur. Qəzzədəki Dövlət İnformasiya İdarəsinin dərc etdiyi son statistikaya görə, Qəzzə müharibəsinin əvvəlindən indiyə qədər 36 əsas xəstəxanadan 33-ü və 55 sağlamlıq mərkəzi isğalçıların ağır hücumları səbəbi ilə xidmət sırasından çıxarılıb. İşğalçılar bu müddət ərzində 160 sağlamlıq mərkəzini və 131 təcili yardım maşınını hədəfə alıblar.
Bəxxaş bildirib ki, İsrail rejiminin bu hücumlardan məqsədi “Qəzzədə baş verdiyi kimi Livanda da səhiyyə sistemini iflic etməkdir.”
Əlaqədar xəbərlər
