HƏMAS hərəkatının rəhbəri Yəhya Sinvar Oktyabrın 17-də Qəzzənin cənubunda yerləşən Rəfəh şəhərində işğalçı sionist qüvvələri ilə sahə döyüşləri zamanı şəhid olub.
Mövcud məlumatlara əsasən, sionist rejiminin ordu qüvvələri Rəfəhin əs-Sultan məhəlləsində əl-Qəssam batalyonlarının 3 döyüşçüsünü müəyyən etdikdən sonra onlarla birbaşa döyüşə giriblər. Sonda qarşıdurmalar fələstinli döyüşçülərin şəhid olması ilə nəticələnib və bu döyüşçülərdən birinin Qəzzə zolağındakı HƏMAS hərəkatının rəhbəri Yəhya Sinvar olduğu məlum olub.
Yəhya Sinvarın belə bir şəraitdə şəhid olması onu göstərir ki, ona qarşı sui-qəsd üçün sionist rejimi tərəfindən heç bir hədəfli və öncədən müəyyən edilmiş əməliyyat olmayıb.
Həmçinin Yəhya Sinvarın həmişə tunellərdə gizləndiyi ilə bağlı yayılan bütün şayiələrin əksinə olaraq, o, sübut etdi ki, bu ittihamlar yalandır və həmişə meydanda və digər döyüşçülərlə çiyin-çiyinə israilli işğalçılarla mübarizə aparıb.
Şəhid Yəhya Sinvarın cənazəsi
Şəhid Yəhya Sinvarın həyatının və mübarizəsinin son anları
Yəhya Sinvar Fələstin İslami Müqavimət Hərəkatının (HƏMAS) Qəzzədə fəaliyyətə başladığı vaxtdan, HƏMAS-ın hərbi qolu olan şəhid İzzəddin əl-Qəssam batalyonlarına qoşulub. O, 2005-ci ildə Xan Yunis briqadasının komandirlik vəzifəsini öhdəsinə götürüb.
Sinvarın öz karyerasında HƏMAS Təhlükəsizlik Təşkilatının idarə edilməsi və HƏMAS-ın Qəzzədəki siyasi ofisinin rəhbərliyi kimi müxtəlif vəzifələri olub. Nəhayət, İsmayıl Həniyənin Tehranda şəhid edilməsindən sonra HƏMAS hərəkatı 6 Avqust 2024-cü il tarixində Yəhya Sinvarın şəhid İsmayıl Həniyənin varisi seçildiyini açıqladı. O, şəhid olana qədər HƏMAS-ın rəhbəri olub.