Livan Səhiyyə Nazirliyi dünən, son 24 saat ərzində 130-dan çox livanlının şəhid olması və yaralanmasını vurğulamaqla, İsrail rejiminin Livana qarşı təcavüzlərində həyatını itirənlərin sayı ilə bağlı yeni statistikanı açıqlayıb.
Xarici KİV-in verdiyi məlumata görə,Livan Səhiyyə Nazirliyi dünən səhər, sionist rejiminin Livana hücumları zamanı son 24 saatda 46 nəfərin şəhid olduğunu və 85 nəfərin isə yaralandığını açıqlayıb.
Sionist rejiminə aid qırıcılar Beyrutun Cənubi Zahiyə bölgəsindəki müxtəlif məntəqələrə qarşı 20 hücum həyata keçirib və Hədəs, Şiyah, Sünnət, Tərz, əl-Kifaat kəsişməsi, Harre Hərik və Borc əl-Bəracənəh kimi məntəqələri hədəfə alıblar.
Livan Səhiyyə Nazirliyi çərşənbə günü 55 nəfərin şəhid olduğu və 156 nəfərin isə yaralandığı haqda məlumat verib.
Beləlik də, İsrail rejiminin Livana qarşı son təcavüzləri və 10 gündən çox müddətdə ardıcıl bombardmanları nəticəsində həyatını itirənlərin sayı 1974, yaralananların sayı isə 9375 nəfərə yüksəlib.
Livan Hökumətinin Fəlakət Risklərinin İdarəsi Edilməsi Bölməsi də öz növbəsində bildirib ki, düşmən ötən 2 gün ərzində Livana təxminən 134 dəfə hücum edib. Bu hücumlar əsasən Beyrutun cənubuna və Cənubi Zahiyə bölgəsinə edilib.