Livan Hizbullahı verdiyi bəyanatda hərəkatın baş katibinin şəhid olduğunu açıqlayıb.
Livan Hizbullahı verdiyi bəyanatında Seyid Həsən Nəsrullahın şəhadətini təsdiqləməklə bildirib ki, o, cümə günü günorta saatlarından sonra (27 Sentyabr) Beyrutun Cənubi Zahiyə bölgəsinə olunan cinayətkar hücumda şəhid olub.
Bəyanatda deyilir: Hizbullahın baş katibi cənab Seyid Həsən Nəsrullah 30 ilə yaxın ardıcıl qələbələrə başçılıq edən şanlı və ölməz şəhid dostlarına qovuşdu. Cənab ustad, müqavimət rəhbəri və saleh bəndə böyük şəhid, şücaətli rəhbər, igid, hikmətli və bəsirətli mömin kimi əbədi şəhidlər karvanına qoşuldu. Seyid Həsən Nəsrullah təxminən 30 il qələbəyə doğru yönəltdiyi böyük şəhidlərə qovuşdu.
Bəyanatda, həmçinin deyilir: Seyid 1992-ci ildə müqavimətin seyid əş-şuhədasının (müqavimətin şəhidlərinin ağası) yerinə keçib. O, müqavimətə 2000-ci ildəki təmizləmə əməliyyatında, daha sonra 2006-cı ildə və Fələstinin, Qəzzənin və məzlum Fələstin xalqının himayəsi ilə bağlı döyüşlərə qədər digər döyüşlərdə rəhbərlik edib.
Hizbullah bu şəhadətin ardınca İmam Zamana (ə.c), ali dini rəhbərə və bütün müqavimət döyüşçülərinə və ruhanilərinə başsağlığı verib və təbrik edib.
Hizbullah bəyanatın davamında şəhid Həsən Nəsrullahla əhd bağlayıb ki, düşmənlə mübarizədəki cihadına, Fələstin və Qəzzəni dəstəkləməyə, möhkəm və şərəfli Livanı müdafiə etməyə davam edəcək.
Bəyanatda, həmçinin Livan İslami Müqavimət döyüşçülərinə ünvanlanıb: Rəhbərimiz, cənab Seyid hələ də öz fikir, düşüncə, yolu ilə bizim aramızdadır.
Xarici KİV-in verdiyi məlumata görə, sionist rejimi cümə günü Beyrutun Cənubi Zahiyə bölgəsinə 10 hava hücumu ilə misli görünməmiş hücumlar həyata keçirib. Daha sonra hücumlarını artıraraq 30-dan çox hücum edib.
Livan Səhiyyə Nazirliyi Beyrutun cənubuna olunan hücumlarda 6 nəfərin şəhid olduğunu və 91 nəfərin yaralandığını açıqlayıb.