İsrail rejiminin ordusu Qəzzə zolağının şimalında çörək və qida maddələri satılan yerdə bir neçə Fələstin vətəndaşını şəhid edib.
Xarici KİV-in verdiyi məlumata görə, sionist ordusunun dünən Qəzzə zolağının şimalında yerləşən “əl-Faxura” məktəbinin qarşısındakı bir yerə hücumu zamanı 5 fələstinli şəhid olub.
Qəzzə Mülki Müdafiə Təşkilatının sözçüsü “Mahmud Bəsəl” Cəbaliya düşərgəsindəki əl-Faxura məktəbinin qarşısında 5 fələstinlinin şəhid olduğunu təsdiqləyib.
Verilən məlumata əsasən, bu hücumda Qəzzə zolağının şimalında çörək satılan bir yer hədəfə alınıb.
Saytlardan biri də bu hücumda şəhid olanların şəkillərini dərc etməklə, həmin yerdə fələstinlilərə çörək və qida maddələri təqdim olunduğuna işarə edib.
Qəzzə Səhiyyə Nazirliyi tərəfindən açıqlanmış son statistiklara əsasən, ötən 11 ay ərzində 40786 nəfərdən çox fələstinli şəhid olub, 94224 nəfər isə yaralanıb.
Qəzzə Səhiyyə Nazirliyi şəhid olmuş minlərlə insanın dağıntılar altında olduğunu açıqlayıb.