Sionist rejiminin hücumları nəticəsində digər iki jurnalistin şəhid olması ilə 7 Oktyabrdan indiyə qədər Qəzzə soyqırım müharibəsində şəhid olan media nümayəndələrinin sayı 175-ə yüksəlib.
Verilən məlumata görə, sionist işğalçılarının Qəzzə zolağının mərkəzində yerləşən ən-Nəsirat düşərgəsinə hücumunda hər ikisi jurnalist olan bacı və qardaş şəhid olub.
Tibb resursları açıqlama verərək bildiriblər: Ən-Nəsirat düşərgəsində bir evin bombalanması nəticəsində fələstinli jurnalist Məhəmməd Əbd Rəbih və bacısı şəhid olub.
Bu iki jurnalistin şəhid olması ilə 7 Oktyabrda Qəzzəyə qarşı başlayan müharibədə media şəhidlərinin sayı 175 nəfərə çatıb.
Sionist rejimi Qəzzəyə qarşı müharibə başlayan vaxtdan etibarən, humanitar qrumların şiddətli tənqidlərinə rəğmən, bu rejimin cinayətlərinin işıqlandırılmasının qarşısını almaq üçün fələstinli jurnalistləri qəsdən hədəfə alır.
Beynəlxalq xəbər agentliklərinin müxbirlərinin Qəzzə zolağına daxil olmalarına mane olmaq yerli jurnalistlərin işini çətinləşdirib.
Bir müddər öncə 60-dan çox media, o cümlədən ən böyük beynəlxalq xəbər agnetliklərindən bəzisi açıq məktubda sionist rejimindən beynəlxalq mediaların Qəzzə zolağına daxil olmalarının və müharibə zonasından reportaj hazırlamalarının qarşısının alınmasına dərhal son qoymasını tələb ediblər.