Sionist rejimi Qəzzə zolağındakı fələstinlilərə qarşı soyqrım cinayətlərinin davamında bir məktəbi və fələstinli köçkünlərin bir neçə çadırını hədəfə alıb.
Sionist rejimi fələstinlilərə qarşı törətdiyi növbəti cinayətdə bir məktəbə və fələstinli köçkünlərin bir neçə çadırına hücum edib. Nəticədə, 13 nəfər şəhid olub.
Tibb resursları Qəzzənin qərbində yerləşən BMT-nin Fələstinli Qaçqınlara Yardım və İşlər üzrə Agentliyinə bağlı “Səhahəddin” məktəbinin bombalanması zamanı 5 nəfərin şəhid olduğunu və bir neçə nəfərin isə yaralandığını bildiriblər.
Həmçinin sionist rejiminin Qəzzənin cənubunda yerləşən Şərqi Xan Yunisdəki “Bəni Süheyla”da olan qaçqın çadırlarına hava hücumunda 2 uşaq və 5 qadın olmaqla, 7 fələstinli şəhid olub.
Digər tərəfdən də, Qəzzədəki Fələstin Səhiyyə Nazirliyi sionist rejiminin Qəzzəyə qarşı təcavüzlərinin və bu rejimin əl-Əqsa Şəhidləri Xəstəxanasının yaxınlığındakı hücumlarının davam etməsinə toxunaraq beynəlxalq təşkilatlardan, BMT-yə bağlı digər qrumlardan bu xəstəxananın və oradakı tibb işçilərinin himayə olunması üçün lazımi tədbirlərin görülməsini istəyib.
Bununla əlaqədar olaraq Qəzzədəki Fələstin Səhiyyə Nazirliyi sionist rejiminin fələstinli mülki şəxslərə qarşı 4 qətliam həyata keçirdiyini və hücumlarda 50 fələstinlinin şəhid olduğunu, 124 nəfərin isə yaralandığını açıqlayıb.