Son 10 ay ərzində elə bir gün yoxdur ki, yayın istisində olan qıtlıq və susuzluq, eləcə də gecə-gündüz baş verən bombardmanlar nəticəsində qundaqlarda Əli Əsğərlərin çırpınması, uşaqların, qadın və kişilərin şəhid olması haqda xəbər yayımlanmasın. Qəzzə Kərbəlanı xatırladır.
Məhəmməd Əbül-Qumsan fikirləşmirdi ki, bu çətin günlərdə ata olmasının sevinci Qəzzə zolağının mərkəzində yerləşən Deyr əl-Bələhdəki evinin bombalanması ilə təsvir olunmayacaq bir müsibətə çevriləcək.
Məhəmməd və həyat yoldaşı Cəmanə Ərəfə Qəzzənin şimalından olan qaçqınlar idi və müharibə onları Deyr əl-Bələh şəhərinə gətitib çıxarmışdı. 5 gün əvvəl əkiz övladları Aysel və Asir çox çətin qeysəriyyə əməliyyatından sonra dünyaya gəlmişdilər.
Məhəmməd aylarla sürən müharibədən sonra bir qız və bir oğlan övladı ilə nemətləndiyini görürdü. O, övladlarının doğum haqqında şəhadətnaməsini almaq üçün evindən çıxmışdı, amma qəflətən həyatını alt-üst edən bir telefon zəngi qəbul etdi. İsrail rejiminin artilleriyası Deyr əl-Bələh şəhərinin şərqindəki evini hədəfə almışdı.
Məhəmmədin üzünün rəngi getmiş və ürəyi yerindən qopacaq halda şiddətlə döyünürdü. O, eşitdiyi xəbərin doğru olmaması və ürəyinin yanğısının sönməsi ümidi ilə özünü sürətlə əl-Əqsa Şəhidləri Xəstəxanasına çatdırdı.
Amma bu xəbər doğru idi və o, xəstəxananın meyitxanasının qapısı qarşısında özünü itirərərk qışqırıb. Bu qışqırıq ona olunan zülmə, hər bir qəlbin və ağlın təsəvvüründən kənar bir müsibətə görə idi. Beşikdəki əkiz övladı anaları ilə birlikdə şəhid olmuşdu.
Amma bir neçə dəqiqə sonra özünü toplayıb, kədərli ürəklə dayanaraq xəstəxananın həyətində tanışları və qeyriləri ilə birlikdə şəhidlərinə namaz qıldı və onları dəfn etdi. İndi Məhəmməd qalıb və Aysel ilə Asirin doğum haqqında şəhadətnaməsi, birdə “Allah mənə kifayətdir və O, ən yaxşı vəkildir” zikri.
Məhəmməd, övladlarını beşik əvəzinə torpağa tapşıran və əti, dərisi və qanı ilə sionist rejiminin körpə qatili olmasını dərk edən 2100 ata ya anadan biridir.
Avropa-Aralıq dənizi İnsan Haqları İzləmə Təşkilatı sionist rejiminin 2100 fələstinli südəmər uşağı şəhid etdiyi və “bu cinayətlərin dəhşətli və müasir müharibələr tarixində görünməmiş cinayətlər” olduğunu açıqlayıb.
Qəzzə Səhiyyə Nazirliyi də 2023-cü ilin Oktyabr ayının 7-də müharibə başlayan vaxtdan etibarən, sionist rejiminin 16000 fələstinli uşağı şəhid etdiyini bildirib.