Qəzzə Səhiyyə Nazirliyi sionist rejiminin Qəzzə zolağına təkrar hücumları nəticəsində fələstinli şəhidlərin sayının artdığı barədə məlumat verib.
Xarici KİV-in verdiyi məlumata görə,Qəzzə Səhiyyə Nazirliyi yeni yaydığı bəyanatında işğal altında olan Fələstindəki müharibənin 309-cu günündə fələstinli şəhidlərin sayı barəsində açıqlama verərək bildirib ki, İsrail ordusu ötən 24 saat ərzində Qəzzə zolağında növbəti 3 kütləvi qırğın törədib. Bu da, 40 fələstinlinin şəhid olması və 140 nəfərin isə yaralanması ilə nəticələnib.
Bu nazirlikdən ötən ilin Oktyabr ayının 7-dən indiyə qədər ümumilikdə fələstinli şəhdilərin sayının 39790, yaralıların sayının isə 92002 nəfərə yüksəldiyi bildirilib.
Qəzzə Səhiyyə Nazirliyi çox sayda fələstinli şəhidin hələ də dağıntılar altında qaldığını vurğulayıb.
Qəzzə zolağının ciddi şəkildə tibbi ləvazimat çatışmazlığı ilə üzləşdiyi bir halda bu bölgədə şəhid olanların və yaralananların sayı artır.
Qırmızı Aypara Cəmiyyətinin sözçüsü bugün günorta saatlarından sonra xəbər agentliklərindən birinə bu təşkilatın qüvvələrinin ciddi şəkildə tibbi ləvazimat çatışmazlığı ilə üzləşdiyini bildirib.
Sionist rejiminin ordusu Qəzzə zolağını öz mühasirəsi altına alıb və humanitar yardımların bu bölgəyə daxil olmasına icazə vermir.