Sionist rejiminə aid qırıcılar Qəzzə şəhərinin əd-Dərc məhəlləsindəki ət-Tabein məktəbinin namazgahında sübh namazı qılan fələstinli namaz qılanları bombalayıb.
Verilən məlumata əsasən, Qəzzə şəhərinin əd-Dərc məhəlləsindəki ət-Tabein məktəbinin bombalanması zamanı azı 100 nəfər fələstinli şəhid olub və yüzlərlə digər insan isə yaralanıb.
Bu məktəb fələstinli qaçqınların yaşayış məskəni idi və şəhidlərin əksəriyyəti bu məktəbə sığınmış uşaqlar və qocalar olub.
Şahidlərin sözlərinə görə, hücum o qədər güclü olub ki, şəhidlərin cənazlələri tikə-tikə olaraq ətrafa dağılıb.
Bununla əlaqədar olaraq, Qəzzə zolağındakı Dövlət İnformasiya Ofisi şənbə günü səhər tezdən sionist rejiminin Qəzzənin əd-Dərc məhəlləsindəki məktəbə hava hücumunda 100-dən çox insanın şəhid olmasına reaksiya verərək, bu dəhşətli cinayətə görə Amerika və sionist rejiminin məsuliyyət daşıdığını açıqlayıb.
Bu ofisdən bildirilib ki, işğalçılar soyqrım və etnik təmizləmə istiqamətində yeni qətliam törədiblər ki, bunun da nəticəsində 100-dən çox insan şəhid olub.
Bu hesabata əsasən, qırğın həcminin yüksək və şəhidlərin sayının çox olmasına görə, xilasetmə qrupları hələ bütün şəhidlərin cəsədini dağıntılar altından çıxara bilməyiblər.