Xəbər mənbələri İordaniyanın qərb sahillərindəki şəhərlərdən olan Cenində fələstinli bir gəncin şəhid olduğunu bildiriblər.
Xarici KİV-in verdiyi məlumata görə, həftənin çərşənbə axşamı İordaniyanın qərb sahillərində yerləşən Cenin şəhərində işğalçı sionist hərbiçilərlə yaranan qarşıdurmada yaralanmış “Məhəmməd Əli Əbu-Hicab” adlı fələstinli bir gənc dünən (çərşənbə günü) şəhid olub.
Çərşənbə axşamı, həmçinin sionist hərbiçilərin İordaniyanın qərb sahillərinin şimalında yerləşən Tubasın şimalındakı Əqaba qəsəbəsinə hücumunda Əysər Məhəmməd Qasim Əbu Ərrə, Nur Məhəmməd Yasin əl-Yasin, Əmir Yasin Ğənnam və Bilal İzzəddin Səvafitə sionist hərbiçilərinin açdıqları atəş nəticəsində şəhid olublar.
Fələstin Səhiyyə Nazirliyi çərşənbə axşamı günü sionist rejiminin Qəzzədəki cinayətkarlığına dair statistikasını açıqlayaraq bildirib: Sionist rejimi ordusunun ötən ilin Oktyabr ayının 7-dən indiyə qədər həyata keçirdikləri hücum nəticəsində 39653 nəfər şəhid olub, 91535 nəfər isə yaralanıb.