Sionist rejim bazar günü Qəzzənin Əl-Vəhdə məntəqəsindəki evlərə hücum edərək, bir neçə fələstinlini qətlə yetirib və yaralayıb.
Hücum zamanı ölən və yaralananlar arasında bir neçə fələstinli qadın və uşaq da var.
Fələstin mediasının məlumatına görə, Qəzzə Təcili Yardım İdarəsinin sözçüsü bildirib ki, İsrail heç bir xəbərdarlıq etmədən, bazar ertəsi Əl-Vəhdə məntəqəsində 5 evi hədəf alıb.
Məzlum fələstinli uşaqların şəhadəti işğalçı İsrailin növbəti cinayətidir.
ABŞ-ın ən müasir qırıcı təyyarələri ilə ötən bazar ertəsi Qəzzədə yaşayış məntəqələrinə başlayan hücumlarda indiyədək əksəriyyəti fələstinli qadın və uşaqlar olmaqla 181-dən çox insan həlak olub.
Uşaq qatili İsrail rejimi yaşayış evlərinə hücum edərək işğal olunmuş ərazilərdə cinayətlərini artırır.
İsrailin Qəzzəyə hücumlarının əsas qurbanları fələstinli uşaqlardır, lakin insan haqları üzrə beynəlxalq ictimaiyyət bu məsələyə ciddi reaksiya verməyib.
Sionist rejim yaşayış evlərini hədəfə alır. Beynəlxalq hüquqa görə, mülki əhalini hədəfə almaq müharibə cinayətidir.
Sionist rejim Qəzzəyə genişmiqyaslı hücumları davam etdirdiyi üçün indiyədək bir çox ölkənin atəşkəs yaratmaq cəhdləri uğursuzluqla nəticələnib.
Fələstin mənbələri İsrail ordusunun Qəzzəyə 7 gün davam edən cinayətkar hücumunda ölənlərin sayının 51-i uşaq, 25-i qadın olmaqla 181 nəfər olduğunu bildirib.
360 kvadrat kilometr ərazisi və 2 milyon əhalisi olan Qəzzə zolağı dünyanın ən sıx məskunlaşdığı coğrafi ərazi kimi tanınır.
Bu hücumlarda İsrail qırıcı-bombardmançıları dəfələrlə Qəzzənin müxtəlif bölgələrini, infrastrukturları hədəfə alıb və xilasetmə qrupları hələ də dağıntılar altında şəhidlərin və itkin düşənlərin cəsədlərini axtarır.
Əlaqədar xəbərlər
