Tibb resursları sionist rejiminin bugün Qəzzə zolağının cənubunda yerləşən Xan Yunisə qarşı həyata keçirilən hücumda indiyə qədər şəhid olanların sayının 35-ə çatdığını açıqlayıblar.
Verilən məlumata görə, tibbi mənbələr bildiriblər: Sionist rejimi ordusunun Qəzzə zolağının cənubunda yerləşən Xan Yunisə qarşı həyata keçirdiyi bugünki (bazar ertəsi günü) hücumda indiyədək 35 nəfər, o cümlədən 5 uşaq şəhid olub.
İndiyə qədər Xan Yunisdəki Nasir xəstəxanasına yerləşdirilən yaralıların sayının isə 80 nəfər olduğu bildirilib.
Bundan öncə isə tibbi mənbələr bildirmişdilər: Sionist rejimi ordusunun Qəzzə zolağının cənubunda yerləşən Xan Yunisə olan bugünki hücumunda şəhid olanların sayı 17-yə çatıb və onlarla digər insan isə yaralanıb.
Bu məlumata əsasən, sionist rejiminə aid qırıcılar son bir neçə saat ərzində Qəzzə zolağının müxtəlif bölgələrini hədəfə alıblar. Bunun nəticəsində də, daha bir neçə fələstinli şəhid olub və yaralanıb.
Sionist rejiminin qırıcıları Qəzzə şəhərinin cənubundakı 8-ci küçədə bir evi bombalayıblar ki, bu da, həmin evin yanması ilə nəticələnib. Həmçinin Qəzzə zolağının cənubunda yerləşən Xan Yunisin şərqindəki Bəni Süheyla məntəqəsində bir evin bombalanması nəticəsində 6 nəfər fələstinli yaralanıb.
Bundan əlavə, Xan Yunisin qərb bölgələrinin sionist rejiminə aid qırıcılar tərəfindən bombalanması zamanı da 1 fələstinli şəhid olub və 5 nəfər isə yaralanıb. Xəbər mənbələri, həmçinin Qəzzənin şərqində yerləşən ət-Tuffah məhəlləsindəki bir mənzilin bombalanması zamanı bir neçə fələstinlinin şəhid olması və yaralanması barəsində məlumat veriblər.