Qəzzə zolağındakı Fələstin Səhiyyə Nazirliyi bugün, sionist rejimi ordusunun ötən 24 saat ərzində bu zolağa qarşı həyata keçirdiyi hücumlar nəticəsində 296 fələstinlinin şəhid olması və yaralanması, bununla da şəhidlərin ümumi sayının 38664 nəfərə yüksəlməsi barədə məlumat verib.
Qəzzə zolağındakı Fələstin Səhiyyə Nazirliyinin müharibənin 283-cü günündəki bəyanatında deyilir: Sionist rejimi ordusu ötən 24 saat ərzində Qəzzə zolağında üç cinayət törədib ki, bunun da nəticəsində 80 nəfər şəhid olub və 216 nəfər isə yaralanıb.
Bu bəyanatda əlavə olaraq deyilir: Bu şəhid və yaralıları hesablamaqla sionist rejiminin Qəzzə zolağına qarşı hücumları başlayan vaxtdan indiyə qədər 38664 fələstinli şəhid olub və 89097 fələstinli isə yaralanıb.
Qəzzə zolağındakı Fələstin Səhiyyə Nazirliyi bildirib ki, hücumların davam etməsinə görə, bir sıra şəhidin cənazəsi hələ də dağıntılar altında qalıb və yardım təşkilatları onları tapıb sağlamlıq mərkəzlərinə çatdıra bilmirlər.
Sionist rejiminin Qəzzə zolağına qarşı nəticəsiz və nailiyyətsiz qalan təcavüzündən 283 gün keçməsi ilə bu rejim hər gün daha çox daxili və xarici böhranda batır.
İşğalçı rejimin bu müddət ərzində bu bölgədə qətliam, dağıntı, hərbi cinayətlər, beynəlxalq qanunları pozmaq, xilasedici qrumları bombalamaq, qıtlıq və aclıqdan başqa heç bir nailiyyəti olmayıb.
Sionist rejimi gələcəkdə əldə edəcəyi hər hansı bir nailiyyəti nəzərə almadan bu müharibəni uduzub. Hətta uzun bir müddət keçdikdən sonra belə, uzun illər mühasirədə olmuş kiçik bir bölgədə müqavimət qruplarını təslim edə bilməyib. O, Qəzzənin müxtəlif bölgələrində törətdiyi açıq-aşkar cinayətlərə və Rəfəh keçidinə hücum etdiyinə görə, hətta qlobal ictimai rəyin dəstəyini də itirib.