Sionist rejiminin TV kanallarından biri bu rejimin ordusunun bugün Qəzzənin cənubuna hücumunda 4 ağır bombadan istifadə etdiyi barədə məlumat verib.
Sionist rejimi ordusu bugün (şənbə günü) günorta saatlarında Qəzzənin cənubundakı “əl-Məvasi” məntəqəsini bombalayıb.
Bu TV kanal bugün (şənbə günü) günorta saatlarından sonra bu barədə hesabat verərək bildirib ki, İsrail ordusu əl-Məvasi məntəqəsinə olan bugünki hücumda 4 ədəd 900 kq-lıq bombadan və 250 kq partlayıcı maddədən istifadə edib.
Bu rejim bu hücumun HƏMAS-ın hərbi qolu olan “əl-Qəssam batalyonlarının” baş komandiri “Məhəmməd Deyfə” qarşı sui-qəsd məqsədi ilə həyata keçirildiyini iddia edib.
Buna baxmayaraq, Fələstin İslami Müqavimət Hərəkatı (HƏMAS) bu hücumda Deyfin sui-qəsd olunmasını təkzib etməklə yanaşı, sionist rejiminin fələstinli mülki şəxslərin öldürülməsini ört-basdır etmək üçün Deyfin adından istifadə etdiyini açıqlayıb.
Qəzzə Səhiyyə Nazirliyi sionist rejimi ordusunun Qəzzənin cənubuna olan bugünki hücumunda 70-dən çox fələstinlinin şəhid olduğunu və 300 nəfərə yaxın digər insanın isə yaralandığını bildirib.
İsrail rejimi əl-Qəssam batalyonlarının baş komandiri Məhəmməd Deyfə sui-qəsd törətmək üçün indiyədək 7 dəfə cəhd edib ki, bu hücumların heç birində istəyinə çatmayıb.