Xəbər mənbələri ötən həftənin çərşənbə axşamı günü sionist rejiminin Qəzzənin müxtəlif bölgələrinə qarşı hava hücumlarında azı 11 fələstinlinin şəhid olduğunu açıqlayıblar.
Xarici KİV-in verdiyi məlumata görə, sionist rejiminin Qəzzənin şimalında yerləşən əl-Ləbabidi məntəqəsinə olan hava hücumunda 3 fələstinli şəhid olub və digər 3 nəfər isə yaralanıb.
Bu məlumata əsasən, Qəzzə şəhərinin əs-Səhabə və əl-Cəla məntəqələrində 5 fələstinli və digər 3 fələstinli də Qəzzənin mərkəzindəki Deyr əl-Bələhdə şəhid olub.
Sionist rejiminin ordusu çərşənbə axşamı günü həyata keçirdiyi hücumlarda Qəzzə şəhərindəki Həyy əs-Sabrah, əl-Muxəyyəm əl-Cədid, ən-Nəsirat və Həyy əd-Dərci də bombalayıb.
İşğalçı rejimin Qəzzə zolağına nəticəsiz təcavüzündən 9 ay keçməsinə baxmayaraq, bu müddət ərzində bu bölgədə qətliam, dağıntı, hərbi cinayətlər, beynəlxalq qanunları pozmaq, xilasedici qrumları bombalamaq, qıtlıq və aclıqdan başqa heç bir nailiyyəti olmayıb.
Sionist rejimi gələcəkdə əldə edəcəyi hər hansı bir nailiyyəti nəzərə almadan bu müharibəni uduzub. Hətta 9 ay keçdikdən sonra belə, uzun illər mühasirədə olmuş kiçik bir bölgədə müqavimət qruplarını təslim edə bilməyib. O, Qəzzənin müxtəlif bölgələrində törətdiyi açıq-aşkar cinayətlərə və Rəfəh keçidinə hücum etdiyinə görə, hətta qlobal ictimai rəyin dəstəyini də itirib.
Əlaqədar xəbərlər
