Sərhədsiz Həkimlər Təşkilatı İsrail qüvvələrinin Qəzzəyə qarşı ağır bombardmanları və hücumlarının ardınca, təkcə son 12 gündə Qəzzədə 800-dən çox fələstinlinin şəhid edildiyini açıqlayıb.
Sərhədsiz Həkimlər Təşkilatı bildirib ki, İyun ayının əvvəlindən indiyə qədər israilli qüvvələrin Qəzzəyə olan ağır bombardmanları və vəhşi hücumları nəticəsində 800-dən çox insan öldürülüb və 2400-ə yaxın insan isə yaralanıb.
Bu beynəlxalq qrum əlavə edib: “İsrailin hücumlar zamanı bütün ehtiyat tədbirlərini gördüyü ilə bağlı açıqlamaları qəbul edə bilmərik. Bu açıqlamalar yalnız bir iddiadır.”
Digər tərəfdən də BMT-nin Müstəqil Komissiyası çərşənbə günü hesabat dərc edərək bildirib ki, “İsrail rəsmiləri 2023-cü ilin Oktyabr ayının 7-dən etibarən Qəzzədə həyata keçirilən hərbi əməliyyat və hücumlarda törədilən hərbi və bəşəriyyətə qarşı cinayətlərə görə məsuliyyət daşıyırlar.”
Bu komissiya öz hesabatında, həmçinin bildirib ki, sionist rejiminin rəsmiləri hərbi üsul kimi aclıqdan istifadə, fələstinlilərin bilərəkdən öldürülməsi, mülki obyektlərə və fələstinli əsirlərə bilərəkdən hücum, cinsi zorakılıq, Qəzzə xalqına qarşı işgəncə, qeyri-insani və zülmkar davranış, özbaşına həbslər və fələstinlilərin ləyaqətinə hücum kimi cinayətlərə görə məsuliyyət daşıyırlar.