Qəzzə hökumətinin media ofisi sionist rejiminin uşaqlara qarşı cinayətlərinin tərəfləri ilə bağlı statistik məlumatlar dərc edib.
Qəzzə Dövlət İnformasiya Ofisi bəyanat yayaraq bildirib ki, sionist rejiminin ordusu müharibə başlayan vaxtdan bəri Qəzzə bölgəsində 15517-dən çox fələstinli uşağı şəhid edib.
Bu müharibə nəticəsində 17 mindən çox fələstinli uşaq valideynlərindən birini ya da onların hər ikisini itirib.
Bu bəyanatda 3500 fələstinli uşağın müharibəyə görə meydana çıxmış qeyri-kafi qidalanma yaxud qida resurslarının çatışmamazlığı səbəbindən ölümlə mübarizə apardığı vurğulanıb. İndiyə qədər onlarla fələstinli uşaq qeyri-kafi qidalanma və bədənin quruması nəticəsində həyatlarını itirib.
Sionist rejiminin BMT-dəki səfiri İsrail ordusunun rəsmi olaraq uşaq qatili rejimlərinin qara siyahısına daxil edildiyinin ona bildirildiyini açıqlayıb.
O, əlavə edib ki, BMT-nin baş katibi “Antonio Quterreş” Tel-Əvivin uşaq qatili rejimlərinin qara siyahısına daxil edilməsini istəyib.
İşğalçı rejimin ordusu Qəzzəyə qarşı həyata keçirdiyi vəhşi hücumunda indiyədək 15 mindən çox uşağı qətlə yetirib. Bu da fələstinli şəhidlərin ümumi sayının 40%-ni təşkil edir. Rəsmi statistikalara əsasən, 8 aydır başlayan Qəzzə müharibəsində indiyə qədər 37 mindən çox fələstinli şəhid olub və 84 mindən çox insan isə yaralanıb. Qəzzənin məktəblər, yaşayış mənzilləri və xəstəxanalara şamil olan mülki strukturlarının 70%-i dağıdılıb.
Beynəlxalq Haaqa Məhkəməsi də Mayın 24-də sionist rejiminin bəzi rəhbərlərinin, o cümlədən baş nazir “Benyamin Netanyahu”nun və müharibə naziri “Yoav Qallant”ın həbs olunmaları ilə bağlı hökm qəbul edib. Bundan öncə də İnsan Haqlarına Nəzarət Təşkilatı da daxil olmaqla, bəzi beynəlxalq dairələr də sionist rejimini geniş şəkildə tənqid edib, bu rejimin BMT-nin rüsvayçlıq siyahısına daxil edilməsini tələb etmişdilər.