Xəbər mənbələri bazar ertəsi günü səhər saatlarına yaxın bir vaxtda, sionist rejiminin Qəzzənin mərkəzinə olan hava hücumlarında 10 fələstinlinin şəhid olduğu barədə məlumat veriblər.
Sionist rejiminin Qəzzənin mərkəzində yerləşən ən-Nəsirat düşərgəsindəki bir yaşayış mənzilinə qarşı hava hücumunda bir ailənin 2 uşağı da daxil olmaqla, 4 üzvü şəhid olub.
Verilən məlumata əsasən, sionist rejiminə aid qırıcılar Qəzzə zolağının mərkəzində yerləşən əl-Bəric düşərgəsində də bir yaşayış mənzilini hədəfə alıblar. Bunun nəticəsində də məlumat verilən ana qədər 6 nəfər şəhid olub və bəziləri isə yaralanıb.
Qəzzə zolağındakı Fələstin Dövlət İnformasiya Ofisi bazar günü verdiyi bəyanatda sionist rejiminin hərbiçilərinin təcavüzləri başlayan vaxtdan bəri 36439 nəfərin şəhid olduğunu və 10 min insanın isə itkin düşdüyünü açıqlayıb.