Sionist rejimin 2014-cü ildə Qəzzəyə hücumu zamanı şəhərin məscidlərinin üçdə biri dağıdılıb.
Qəzzədə 22 günlük müharibədən sonra İran bu günü Milli Qəzzə Günü adlandırdı, daha sonra 2014-cü ildə Qəzzədə 51 günlük müharibə başladı və əvvəlki hücumlardakından daha çox məscidlər dağıdıldı.
Sionist rejimin 51 günlük müharibədə Qəzzə zolağına hücumu 73 məscidin tamamilə dağıdılması və 205 məscidin qismən dağıdılması ilə nəticələnib və iki kilsə, bir neçə məqbərə və altı zəkat müəssisəsinə ziyan dəyib.
Fələstin İqtisadi Şurasının Qəzzənin İnkişafı və Yenidənqurulması üzrə Mühəndislər Komitəsi hesabat yayaraq bildirib ki, sionist rejimin Qəzzəyə hücumu 40 milyon dollardan çox ziyana səbəb olub.
Komitənin mühəndis direktoru Məhəmməd Ən-Nəccar deyib: “Qəzzədə məscidlərin üçdə biri müharibədə dağıdılıb və o zaman təxminən, 200 min Qəzzə vətəndaşı namaz qılmaq üçün yer axtarırdı.”
Hesabatda bildirilir: Sionistlər tərəfindən dağıdılan məscidlərdən bəziləri tarixi məscidlərdir ki, bunlardan ən mühümü Qəzzənin ən qədim məscidlərindən biri və ən böyüyü olan Cəbəliyyədəki “Əl-Öməri” məscididir.
Bu məscid hicri 27-ci ildə “Əmr İbn As”ın dövründə tikilib və “Minarətuz-Zahir” də adlanır.
Məscid üçmərtəbəlidir və ümumi sahəsi 3 min kvadratmetrdir və iki mindən çox müsəlman orada ibadət edə bilər.
Əvvəllər məscid təlim mərkəzi və mərasimlərin keçirildiyi yer olub və 2008-2009-cu illər müharibəsi zamanı zədələnib və sonra bərpa edilib, lakin son müharibədə tamamilə dağıdılıb.
“Qəzzədə əksər məscidlər xeyriyyəçilərin köməyi ilə tikilib və eyni qurumlar onları yenidən tikir.” – deyə, hesabatda qeyd olunub.
2008-2009-cu illər arasında 34 məscid tamamilə dağıdılıb, 55-i isə cüzi ziyan görüb, lakin son müharibədə məscidlərə hücumların sayı üç dəfə artıb.
Qəzzədə məscidlərin dağıdılması sionist rejimin cinayətlərinə sübutdur – Video
