Sionist rejimi Qəzzə zolağına qarşı təcavüzkar hücumlarının davamında cümə axşamı günü digər 12 fələstinlini şəhid edib.
Sionist rejimi təcavüzkar hücumlarının davamı olaraq bugün də Qəzzə zolağındakı müxtəlif məntəqələri bombalayıb. Qəzzənin mərkəzində yerləşən əl-Məğraqə məntəqəsinin bombalanması nəticəsində bir sıra fələstinli yaralanıb.
Qəzzənin mərkəzində yerləşən Deyr əl-Bələhin şərqində fələstinli bir gənc sionist spayperçilərinin açdıqları atəş nəticəsində şəhid olub.
Rəfəh şəhərində də Əyyad ailəsinə aid mənzilin bombalanması nəticəsində 11 nəfər şəhid olub və bir neçə nəfər yaralanıb. Xəbər mənbələri, həmçinin sionist rejiminə aid qırıcıların Rəfəhin cənubunda yerləşən Mərzi məntəqəsinə hücumları barəsində məlumat veriblər.
Bundan əlavə, sionist qüvvələri kvadrokopterdən Qəzzədəki əl-Məğraqə körpüsü yaxınlığındakı Fələstin vətəndaşlarına atəş açıblar və bir uşaq ağır şəkildə yaralanıb.
Fələstin Səhiyyə Nazirliyi ötən gün açıqlama verərək bildirib ki, sionist rejiminin ordusunun Qəzzə zolağına hücumları nəticəsində şəhid olanların sayı 33 min 899 nəfərə, yaralıların sayı isə 76 min 664 nəfərə yüksəlib.
Fələstin Səhiyyə Nazirliyi bildirib ki, sionist rejiminin ordusu ötən 24 saat ərzində 6 cinayət törədərək 56 nəfər Fələstin vətəndaşını şəhid edib və digər 89 nəfəri isə yaralayıb.