Sionist rejiminə aid qırıcı təyyarələr Dir əl-Bələhdə yerləşən Əl-Əqsa Şəhidləri xəstəxanasının daxilindəki jurnalistlərin və qaçqınların çadırlarına hücum ediblər.
Bununla əlaqədar olaraq, Qəzzədəki Dövlət İnformasiya Ofisi bəyanat yayaraq bu cinayəti şiddətlə pisləyib. Bu bəyanatda deyilir:
Sionist rejiminin ordusu Qəzzənin əl-Vustay vilayətində yerləşən Əl-Əqsa Şəhidləri xəstəxanasının daxilindəki jurnalistlərə və qaçqınlara aid bir neçə çadıra hava hücumu həyata keçirməklə, xəstə, yaralı və qaçqın insanların daşınmasının qızğın vaxtında növbəti qanlı cinayət törədib.
Biz bu cinayəti siddətlə pisləyirik və səhiyyə ilə bağlı olan bütün beynəlxalq, regional və daxili təşkilatlardan bu dəhşətli cinayəti pisləmələrini istəyirik.
Biz ABŞ-ın, sionist rejiminin və beynəlxalq ictimaiyyətin bu cinayətə görə tam məsuliyyət daşıdıqlarına inanırıq. Hansı ki, işğalçı sionist rejimini hərbi və siyasi cəhətdən dəstəkləməklə, ona Qəzzədəki vətəndaşlara, qadınlara, uşaqlara və qaçqınlara qarşı soyqrımı davam etməsi üçün yaşıl işıq göstərirlər.
Biz bütün beynəlxalq təşkilatlardan və dünyanın bütün azad insanlarından bu cinayətləri dayandırması üçün sionist rejimini təzyiq altına salmalarını istəyirik. Həmçinin sionist rejimini cinayətləri qarşısında xəstəxanaları himayə etmələrini istəyirik.
Xarici KİV-in verdiyi məlumata görə, bu hücumda indiyədək (bazar ertəsi) 4 nəfər şəhid olub və digər 16 nəfər isə yaralanıb.
