İşğalçı İsrail rejimi ordusu quru qüvvələrinin Qəzzəyə daxil olması ilə bağlı xəbərləri təkzib edib.
Xəbər agentliklərinin məlumatına görə, İsrail Qəzzə sərhədinə daha çox tank və hərbçi yerləşdirib və oradan da Qəzzə zolağı artilleriya atəşinə tutulub.
Reuters-in məlumatına görə, İsrail Qəzzə sərhəddinə daha çox tank və hərbçi yerləşdirib və oradan da Qəzzəyə artilleriya zərbələri endirməyə davam edəcək.
İsrail ordusu mayın 14-ü cümə günü səhər Qəzzəyə daxil olması xəbərini təkzib edib.
İsrail ordusu ilk olaraq rəsmi Twitter hesabında Qəzəyə havadan və qurudan hücum elan edib. Lakin o, az sonra xəbəri silib. Həmçinin, İsrail ordusu ehtiyat qüvvələrinin 7 min nəfərini orduya çağırıb.
Almaniya milli radiosunun məlumatına görə, Qəzzə zolağından İsrailə raket hücumları və İsrailin Qəzzədəki hədəfləri qarşılıqlı şəkildə bombalaması davam edir.
İsrail Müdafiə Nazirliyi 9 min hərbi ehtiyat qüvvəsini orduya geri çağırdığını açıqlayıb.
İsrailin Qəzzə zolağına hücumları nəticəsində əksəriyyəti mülki vətəndaş olmaqla 100-dən çox insan həlak olub. İsrail təhlükəsizlik aparatı hərbi əməliyyatlarını genişləndirmək qərarına gəlib. İsrailin Müdafiə naziri Benni Gantz şəhərlərdə təhlükəsizlik qüvvələrinin gücləndirildiyini açıqlayıb və bildirib ki, İsrail ərəbləri ilə yəhudilər arasında iğtişaşlar baş verib və iki qrup arasında qarşıdurma daha da şiddətlənib.
İşğalçı İsrail Qəzza sərhədinə daha çox tank və hərbçi yerləşdirib
