İşğalçı hərbiçilər dünən (bazar günü) Xan Yunisdə yerləşən Nasir və əl-Əməl xəstəxanalarına qarşı yeni hücumlara başlayıblar. Bu, sionist rejiminin bu iki xəstəxananın dəhlizində tibb işçiləri və xəstələrə qarşı yeni cinayətlərinin baş verməsi ilə bağı xəbərdarlıqların çoxaldığı halda baş verir.
Fələstin Qırmızı Aypara Cəmiyyəti sionist hərbiçilərinin Qəzzənin cənubunda yerəşən Nasir və əl-Əməl xəstəxanalarına hücum edərək şiddətli şəkildə atəş açdıqlarını açıqlayıb.
Qırmızı Aypara Cəmiyyəti bəyanat yayaraq bildirib: “İşğalçı qüvvələr bombardmanlar və şiddətli atışmalar arasında əl-Əməl və Nasir xəstəxanalarına hücum ediblər.”
Bu bəyanatda deyilir: Hal-hazırda işğalçı qüvvələr əl-Əməl xəstəxanasının ətrafındakı bölgələri dağıdırlar. Qırmızı Aypara Cəmiyyətinin bütün əməkdaşları təhlükədədirlər və ümumiyyətlə hərəkət edə bilmirlər.
İşğalçı rejimə aid maşınlar bazar günü səhər saatlarına yaxın bir vaxtda, şəhərin müxtəlif bölgələrinə ardıcıl hücumlarla eyni zamanda gözlənilmədən Nasir Tibb Mərkəzinin ətrafına sızaraq bir neçə nəfəri şəhid edib və yaralayıblar.
Bəzi tibbi mənbələr bildiriblər ki, Fələstin Qırmızı Aypara Cəmiyyətinin Təcili Əməliyyatlar otağının işçilərindən olan Əmir Əbu Əyşə əl-Əməl xəstəxanasında işlədiyi halda sionist rejiminin açdığı atəş nəticəsində şəhid olub.
Fələstin Qırmızı Aypara Cəmiyyəti Xan Yunisdə yerləşən əl-Əməl xəstəxanasındakı qaçqınlardan biri baş nahiyəsindən sionist hərbiçilərinin gülləsinə tuş gələrək şəhid olub.
Minlərlə qaçqın vəhşicəsinə olan hücum və ardı-arası kəsilməyən bombardmanların qorxusundan Nasir Tibb Mərkəzinə və əl-Əməl xəstəxanasına sığınıb, amma indi bu xəstəxanalardakı qaçqınlara qarşı qətliamların baş verməsinə dair qorxu və narahatlıqlar mövcuddur.
Əlaqədar xəbərlər
