BMT-nin Fələstinli Qaçqınlara Yardım və Məşğulluq Agentliyi (UNRWA) X sosial şəbəkəsindəki ismarıcında Qəzzədə 17 min uşağın öz valideynlərini itirdiyini bildirib.
Verilən məlumata əsasən, Qəzzənin şimalında 2 yaşdan aşağı olan hər 6 uşaqdan biri kəskin qida çatışmazlığından əziyyət çəkir.
Bu ismarıcın ardında deyilir: Bu dəhşətli ölümlərin qarşısı tamamilə alına bilər.
BMT-nin Uşaq Fondunun (UNİCEF) regional sözçüsü sionist rejiminin Qəzzə zolağına qarşı müharibəsinin fələstinli uşaqlar üçün ağır nəticəsinə toxunub. BMT-nin Ərzaq və Kənd Təsərrüfatı Təşkilatının (FAO) regional direktoru da bütün Qəzzə əhalisinin qida təhlükəsizliyinin olmaması səbəbilə fövqəladə vəziyyət kimi təsnif edildiyini bildirib.
Sionist rejimi davamlı təcavüzləri ilə yanaşı, mühasirə etməklə və humanitar yardım və ərzaq göndərilməsinin qarşısını almaqla vəziyyəti daha acınacaqlı edib. Bir müddət əvvəl fələstinli mənbələr məlumat verərək bildirmişdilər ki, Qəzzə zolağının şimalında yerləşən Kamal Üdvan xəstəxanasındakı 17 fələstinli körpə qida və su çatışmazlığı nəticəsində şəhid olub.
Bundan əvvəl də BMT-nin Uşaq Fondu (UNİCEF) fələstinli uşaqların itkilərinin artması barədə xəbərdarlıq etməklə yanaşı, Qəzzədə uşaqların ölümü ilə bağlı narahatlıqların reallığa çevildiyini bildirmişdi.
UNİCEF-in içraçı direktoru Ketrin Rassel hal-hazırda Qəzzədəki uşaqların bir çoxunun qida çatışmazlığı ilə üzləşdiyini bəyan edərək vurğulamışdı: Qəzzədə fələstinli uşaqlar ölüm astanasındadırlar.
Əlaqədar xəbərlər
