Verilən məlumata görə, Qəzzə zolağının şimalında yardım gözləyən fələstinlilər sionist rejimi qüvvələri tərəfindən qətliam olunublar.
Qəzzə zolağındakı jurnalistlərdən biri deyib: Qəzzə zolağının şimalında yardım almaq üçün gözləyən fələstinlilər sionist rejimi qüvvələri tərəfindən hədəf alınaraq qətliam ediliblər. Şahidlərin sözlərinə əsasən, sionist rejiminin Səlahəddin kəsişməsində yardım maşınlarını gözləyən 30 min fələstinliyə hücumu nəticəsində ilkin təxminlərə görə, azı 111 fələstinli şəhid olub və yaralanıb.
Bəzi məlumatlara əsasən, sionist rejiminin yardım sırasına hücumları 100 fələstinlinin şəhid olması və 200-dən çox insanın yaralanması ilə nəticələnib.
Bununla əlaqədar olaraq Qəzzədəki Səhiyyə Nazirliyi cümə axşamı günü bildirib ki, sionist rejimi növbəti dəfə dəhşətli cinayət törədib. Bu rejim Qəzzədəki əl-Küveyt meydanında özlərinin və ailərinin aclığını aradan qaldırmaq üçün humanitar yardımları gözləyən Fələstin vətəndaşlarını hədəf seçməklə 111-dən çox fələstinlini şəhid edib və yaralayıb.
Digər tərəfdən də qeyr-rəsmi Fələstin mənbələri fələstinli şəhid və yaralılarının sayının 220-dən çox olduğunu bildiriblər.
Fələstin İnformasiya Mərkəzi hesabat verərək bildirib: Sionist rejimi ordusu Qəzzənin şərqində yerləşən əl-Küveyt meydanında humanitar yardımları gözləyən fələstinliləri növbəti dəfə hədəfə alıb. Vəhşicəsinə olan bu hücumda 60-dan çox insan şəhid olub və azı 160 nəfər yaralanıb.
Bundan öncə də İsrail qüvvələri Fevralın 29-u Qəzzənin ər-Rəşid küçəsində və Nablusi meydanı yaxınlığında humanitar yardımları gözləyən günahsız və ac olan sıx cəmiyyət sıralarına tərəf atəş açmışdılar. Bu atışmada 112 nəfər şəhid olmuş və 700-dən çox digər insan isə yaralanmışdı.
Qəzzə zolağındakı jurnalist hesabatının ardında deyib: Qəzzə zolağındakı Rəfəh şəhəri də ötən saatlarda ağır şəkildə bombalanıb. Bu hücumlar zamanı işğalçı rejimə aid təyyarələr Rəfəh şəhərinin mərkəzində yerləşən əz-Zəhur məhəlləsndəki bir evi bombalayıb və bu da bir ailənin 3 üzvünün şəhid olması və əksəriyyəti qadın və uşaqlar olan bir neçə nəfərin yaralanması ilə nəticələnib.
Onun sözlərinə görə, Xan Yunis şəhərinin bombardmanları da dayanmayıb. Belə ki, bu hücumların ardınca Xan Yunisin şərqində yerləşən əl-Qərarə məntəqəsində bir Fələstin vətəndaşı şəhid olub. Həmçinin bir neçə fələstinli şəhidin cəsədinin kimliyi Xan Yunisdəki evlərinə qayıdan vətəndaşlar tərəfindən müəyyən edilərək Qəzzəyə göndərilib.
Verilən məlumata əsasən, Həmd şəhərində daha çox şəhidin şəxsiyyətlərinin müəyyənləşdirilməsi davam edir. Bu şəhidlərin cəsədləri açıq havada və dağıntılar altında qalaraq parça-parçaq olub.
Jurnalist, həmçinin bildirib: İşğalçılar, həmçinin əl-Vusta vilayətində yerləşən əl-Həkərdəki bir evi bombalayıblar. Eyni zamanda Dir əl-Bələhin şərq bölgələrinə qarşı artilleriya hücumları dayanmayıb. Yerli mənbələr Xan Yunis sahillərinin yaxınlığındakı nahiyələrdə İsrailin döyüş qayıqlarından atəş səslərinin eşdilməsi barəsində xəbər veriblər.