Sionist rejiminə məxsus qırıcılar Qəzzənin Nablusi meydanında qida yardımları almaq üçün sıraya düzülən yüzlərlə fələstinliyə qarşı qətliam törətdikdən 2 gün sonra, yəni bugün Rəfəh şəhərində yerləşən xəstəxananın qarşısındakı fələstinli qaçqınların məskunlaşdığı çadırlara hücum ediblər.
Fələstin medialarının verdiyi məlumata görə, sionist rejiminin cinayətkar ordusuna aid qırıcı təyyarələr Qəzzə zolağının cənubunda yerləşən Rəfəh şəhərindəki BƏƏ xəstəxanasının giriş qapısının qarşısında olan fələstinli qaçqınların məskunlaşdığı çadırları hədəfə alıblar.
Sionist rejiminin yeni cinayət və Qəzzə zolağında yerləşən Rəfəh şəhərindəki mülki şəxslərin qətilamının davamı İsrail rejiminin ordusunun bu gün (şənbə günü) humanitar məqsədlərlə Qəzzənin ən cənub hissəsi olan Rəfəhdə və həmçinin Dir əl-Bələhdə hərbi əməliyyatları Martın 7-nə qədər dayandıracağını iddia etdiyi halda baş verib.
Bu hücumun ardınca Qəzzədəki Fələstin Səhiyyə Nazirliyi bu hücumlarda hələlik 11 nəfərin şəhid olduğunu və 50-dən çox insanın yaralandığını bildirmişdi.
Nazirlikdən bildirilib ki, şəhidlərdən biri BƏƏ xəstəxanasında işləyərkən şəhid olan fələstinli xilasedici “Əbdül Fəttah Məra”-dır. Həmçinin 1 həkim köməkçisi və bir neçə uşaq şəhid olub.
Sionist rejiminin qırıcılarının fələstinli qaçqınların məskunlaşdığı çadırlara olan bugünki hücumu, sionist rejiminin tanklarının 2 gün öncə qida almaq üçün sıraya düzülən yüzlərlə fələstinliyinə mediaların gözü önündə hücum edərək onları qətlə yetirdikdən və daha sonra yalandan o insanların izdihamda öldüklərini bildirdikdən sonra baş verib.
Qəzzənin səhiyyə rəsmiləri bildiriblər ki, bu hücum nəticəsində azı 104 fələstinli şəhid olub, çox sayda insan isə yaralanıb.
Rəfəh şəhərində 1 milyon 400 mindən çox qaçqın məskunlaşıb və bu bölgədə olan qaçqınlar kəskin şəkildə içməli su, qida maddələri və həyat üçün minimum imkanların çatışmazlığı ilə üz-üzədirlər. Amma sionist rejimi Qəzzə zolağını şiddətli şəkildə mühasirəyə alaraq beynəlxalq humanitar yardımların gəlişinin qarşısını alır.