Qəzzə zolağındakı Mülki Müdafiə və Xilasetmə İdarəsi İsrailin Qəzzədə və bu bölgənin şimal vilayətində mühasirə olunmuş insanlara qida və dərman çatdırılmasına maneə olması 700 mindən çox fələstinlinin həyatını təhdid edir.
Qəzzə zolağındakı Mülki Müdafiə İdarəsinin sözçüsü Mahmud Bəsəl verdiyi bəyanatda deyib: “İsrail rejiminin Qəzzə və şimal vilayətlərində mühasirə olunmuş vətəndaşlara ilkin ehtiyacların, xüsusən də qida maddələri və tibbi ləvazimatların gəlməsinə davamlı surətdə maneə olması 700 mindən çox Fələstin vətəndaşının həyatını təhdid edir.”
Bəyanatda əlavə olaraq deyilir: “Qəzzə və bu bölgənin şimalındakı vətəndaşların əziyyəti günbəgün artmaqdadır. Ərəblərin və beynəlxalq ictimaiyyətin hər gün baş verən bu qətliam qarşısındakı sükutu ilə eyni vaxtda, minlərlə fələstinli müharibə yaxud aclıq səbəbindən ölümün intizarındadır.”
Qəzzə zolağının müxtəlif yerlərinin bombalanması davam edir və bu bölgədəki fələstinlilərin fəlakətli humanitar vəziyyəti gündən-günə pisləşir.
Sionist rejiminin yaşayış məntəqələrinə olan hücumları səbəbindən şəhid və yaralıların çoxu fələstinli qadın və uşaqlardan ibarətdir.
Hələ də 7 minə yaxın insan itkin düşüb və dağıntılar altında qalıb.