Qəzzə zolağının cənubunda yerləşən Xan Yunisdəki Nasir Tibb Kompleksi işğalçıların oraya hücumu və tibb işçilərinin həbsindan sonra tamamilə sıradan çıxıb.
Nasir Xəstəxanası Əş-Şifa xəstəxanasından sonra fəaliyyətini tamamilə dayandıran ikinci ən böyük tibb kompleksidir.
Bununla bağlı İvrit medialarının dərc etdiyi fotoşəkil Nasir Tibb Kompleksinin rəhbəri dr. Atif əl-Hutun saxlanıldığı göstərir. Dr. Hut yorğun görünür və o, həftələrlə mühasirədən sonra xəstəxanaya hücum edən bir qrup işğalçı əsgərlərin mühasirəsindədir.
İnsan Haqları Təşkilatı işğalçı İsrail qüvvələrinin “Nasir” Tibb Kompleksində olan bir çox tibb işçisini “qeyri-insani şəraitdə” sorğu-sual etdikdən sonra onları həbs etdiklərini təsdiqləyib.
Ümumdünya Səhiyyə Təşkilatının rəhbərinə istinadən verilən məlumata görə, “Tedros Adhanom Ghebreyesus” sionist hərbiçilərinin, xəstələrin vəziyyətinin qiymətləndirilməsi və tibbi ehtiyacların yoxlanılması üçün Ümumdünya Səhiyyə Təşkilatı qruplarınını xəstəxanaya girmələrinə icazə vermədiklərini təsdiqləyib.
O, əlavə edib ki, Nasir xəstəxanasında 200-yə yaxın xəstə var və onlardan 20-si digər xəstəxanalara köçürülməlidir.
Sionist rejimi ordusu da Nasir Tibb Kompleksində olan 100 nəfər fələstinlini həbs etdiyini etiraf edib.
Digər tərəfdən də Qəzzədəki Fələstin Səhiyyə Nazirliyi bildirib ki, sionist hərbiçiləri Nasir Tibb Kompleksinin çox sayda tibb işçisini həbs edib və tibb işçilərinin, xəstələrin və qaçqınların bir çoxunu qeyri-insani şəraitdə sorğu-sual ediblər.
Nazirliyin bildirdiyinə görə, generatorlar işləmədiyindən Nasir Tibb Kompleksinin elektriyi kəsilib və oksigene möhtac olan xəstə və yaralıların həyatı təhlükə altında düşüb.