İsrailin Suriyanın Homs şəhərinin mərkəzində yerləşən əl-Həmra məhəlləsindəki üç mərtəbəli yaşayış binasına olan hücumu bir neçə mülki şəxsin şəhid olması və bəzilərinin yaralanması ilə nəticələnib.
Xarici KİV-in hadisə yerindən verdiyi məlumata görə, ilkin statistikaya əsasən, sionist rejiminin dünən (çərşənbə günü) səhər saatlarına yaxın Suriyada Homs şəhərinin mərkəzinə olan hücumu 6 nəfər mülki şəxsin şəhadəti, yaşayış binasının tamamilə dağıdılması və qonşu binaların zərər çəkməsi ilə nəticələnib.
Dağıntılar altında qalan insanların taleyinin müəyyən olunması üçün dağıntıların aradan qaldırılması mülki müdafiə dəstələrinin və Homs vilayətinin xilasedici qüvvələrinin saatlarla işləməsinə möhtacdır.
Homs Şəhər Şurasının rəhbəri Abdullah əl-Bəvvab bildirib: Sionsitlərin hücum etdiyi məntəqə yaşayış məntəqəsidir. Bu binada yaşayan şagirdlər və mülki şəxlər nəzarət altına götürülüblər. Bəziləri şəhid olublar və onların sayı qəti olaraq məlum deyil. Biz hal-hazırda yolların açılması və dağıntıların aradan qaldırılması ilə məşğuluq.
Homs Mülki Müdafiə rəhbəri briqada komandiri Muhəzzəb əl-Muəddi deyib: Xilasedici qüvvələr dağıntıları aradan qaldırmaq, şəhidləri və yaralıları dağıntıların altından çıxarmaq üçün yanğın söndürənlərə kömək edirlər.
Sionist rejiminin Suriya şəhərlərindəki yaşayış məhəllələrini davamlı olaraq hədəf seçməsi onun Suriya cəbhəsini, hətta mülki şəxslərin qanı bahasına olsa belə müqaviməti təzyiq altına salmaqdan ötrü açıq saxlamaq üçün israrını göstərir.
Suriya xəbər agentliklərindən birinin verdiyi məlumata görə, dünən təxminən səhər saat 3-də Livanın şimalındakı Tripoli hava məkanı istiqamətindən İsrailin baş tutan hava hücumu Homs şəhərinin bəzi nöqtələrini hədəfə alıb.
Bu hücumların ardınca, Suriyanın havadan müdafiə sistemləri təcavüzkar raketləri izləyərək onlardan bəzilərini vurub. Bu hücumlarda bəzi mülki şəxslər şəhid olub və yaralanıblar. Həmçinin maddi ziyan da vurulub.
