Sionist rejimi mənbələri bazar günü hesabat verərək bildiriblər ki, Tel-Əvivin baş nazirinə müxalif olanlar işğal olunmuş ərazilərdə reklam lövhələri quraşdırıblar və orada Netanyahuya ünvanlanmış “günahkar sənsən!” sözləri yazılıb.
Fələstin xəbər agentliklərindən birinə istinadən bildirilib ki, sionist medialarının hesabatına əsasən, sionist köçkünlər 1948-ci ildə işğal olunmuş ərazilərdə reklam lövhələri quraşdırmaqla Netanyahunu hazırkı vəziyyətin və Qəzzədə müqavimət qarşısındakı məğlubiyyətin müqəssiri kimi təqdim ediblər.
Bu reklam lövhələrinin üzərində yazılıb: Baş nazir! Günahkar sənsən!”
Bu reklam lövhələri əsirləri azad etmək üçün zor gücünə və Qəzzənin müxtəlif bölgələrini bombalamağa əl atan sionist rejiminin cəhdlərinin uğursuzluqla üzləməşindən sonra quraşdırılıb.
Həmçinin şənbə günü işğal olunmuş ərazilərdə yaşayan bir çox sionist köçkün sionist əsirlərinin azad edilməsinə dair razılaşmanın sürətləndirilməsi məqsədi ilə Tel-Əvivin mərkəzində etiraz aksiyası keçirib.
Ötən həftə də Qəzzədəki atəşkəs razılaşması barəsində rejimin döyüş kabinetinin iclasının keçirilməsi ilə eyni zamanda sionist əsirlərinin ailələri Tel-Əvivdəki bu nazirlik qarşısında əsirlərin mübadiləsi razılaşmasının icra olunması üçün nümayişlər keçiriblər.
Məlumatlara əsasən, əsirlərin azadlığı üçün HƏMAS-la razılaşmanın icrasını istəyən etitazçılar Drəx Begin və Tel-Əvivi birləşdirən yolu bağlayıblar.
Ötən şənbə günü də sionist rejiminin polisi zorakılığa əl ataraq Qüds şəhərində yerləşən Paris meydanı yaxınlığında Netanyahu kabinetinə qarşı nümayişlərdə iştirak edənləri dağıdıb.
Sionist əsirlərinin ailələri Tel-Əvivin şimalında yerləşən “Kfar Səba” məntəqəsindəki nümayişlərdə Netanyahu kabinetinin buraxılmasını və erkən seçkilərin keçirilməsini istəyiblər.
Köçkünlər, həmçinin Tel-Əviv şəhərinin mərkəzindəki Mədəniyyət Mərkəzində də nümayiş keçirib, kabinetin təcili olaraq buraxılmasını və Netanyahunun kənarlaşdırılmasını tələb ediblər.
