Sionist rejimi törətdiyi yeni cinayətdə təhlükəsiz bölgə olduğunu elan etdiyi Dir əl-Bələh şəhərində 30 fələstinlini şəhid edib.
Verilən məlumata görə, sionist rejimi ordusu müharibənin 122-ci günündə Qəzzədəki cinayətlərinə davam edib. Bu müddər ərzində on minlərlə insanı şəhid edib yaxud da yaralayıb. Bu rejim indiyə qədər Qəzzənin adi vətəndaşlarına qarşı 2325 cinayət törədib və bunların hamısı ötən 4 ay ərzində qeydə alınılaraq sənədləşdirilib.
Bu ciaynətlərdə 34 238 nəfər şəhid olub ki, onlardan yalnız 27 238 nəfəri xəstəxanalara köçürülüb və digərləri barədə heç bir məlumat yoxdur.
Hökumətin Qəzzədəki informasiya ofisi (bazar ertəsi günü) bəyanat yayaraq bildirib: Sionist rejimi ordusu ötən 24 saat ərzində Dir əl-Bələh bölgəsində 30 nəfəri şəhid edib. Bu rejim Dir əl-Bələh bölgəsinin təhlükəsiz olduğunu elan etmiş və camaatdan ora sığınmalarını istəmişdi. Amma dinc əhaliyə, qadınlara və uşaqlara qarşı cinayətlərinin və qətllərinin davamı olaraq həmin bölgədə dəhşətli cinayətlər törədib.
Meydanlarda da bir neçə bölgədə, xüsusən də Qəzzənin qərbində və cənubdakı Xan Yunisdə müqavimət qüvvələri və sionist rejiminin hərbiçiləri arasında şiddətli toqquşmalar baş verib.
Digər tərəfədən də, müharibənin davam etməsi, sionist rejiminin xəstəxanalara hücum etməsi, aclığın, susuzluğun və şiddətli soyuqların artması ilə Qəzzədəki humanitar vəziyyət daha da pisləşib.
Atəşkəs üçün baş tutmuş son cəhdlərə gəldikdə, atəşk üçün Paris razılaşması layihəsi müqavimət qüvvələrinin, xüsusən də HƏMAS-ın cavabını gözləyir. Eyni zamanda müqavimət qrupları, himayəçi ölkələr və həmçinin vasitəçilər arasında danışıqlar davam edir.
