Fələstinli mənbələr Qəzzənin şimalındakı Həmd məktəbinin içində əlləri bağlı halda olan 30 fələstinli şəhidin cəsədinin tapılması barəsində məlumat veriblər.
Fələstinli mənbələr işğalçı İsrail rejiminin hərbiçilərinin fələstinli əsirləri edam edərək cəsədlərini Qəzzə zolağının şimalındakı tullantılar arasına tökməklə qətliam cinayətinə davam etdiyini bildiriblər.
Onlar Qəzzə zolağının şimalında yerləşən Beyt Lahiyadakı “Həmd” məktəbinin içində çoxunun qara rəngli kisələrə yerləşdirilən üst-üstə yığılmış 30 cəsəd aşkarlandığına işarə ediblər.
Fələstinli mənbələrin verdikləri məlumata görə, bu şəhidlərin əllərində, üzərində ivrit dlində yazılar və seriya nömrəsi olan sionist rejiminə aid plastik qol bağları görünür.
Fələstinli mənbələrin sözlərinə görə, bu şəhidlərin cəsədləri qolu bağlı, bəziləri isə gözü bağlı olub və onların hamısı işğalçı İsrail rejiminin hərbiçiləri tərəfindən güllələnərək edam edilib.
Fələstinlilər sionist rejiminə aid hərbi qüvvələrin bəzi bölgələrdən, xüsusən də 1948-ci ildə işğal olunmuş ərazilərə köçürülməzdən əsirləri toplamaq və müvəqqəti olaraq saxlamaq üşün yaratdıqları mərkəzlərdən geri çəkildikdən sonra, çoxlu sayda cinayət aşkarlayıblar.
Bununla əlaqədar olaraq Fələstin Məhbuslar Klubu zəncirlənmiş 30 şəhid cəsədinin tapılmasını sionist rejiminin onlara qarşı törətdiyi kütləvi edam cinayətinə açıq-aydın dəlil olduğunu bildirib.
Əlaqədar xəbərlər
