Sionist hərbiçiləri uzun müddətdir ki, fələstinli bir südəmər qız uşağını digər 5 bacı-qardaşı ilə birlikdə işğalçılar tərəfindən şəhid edilmiş analarının cənazəsi kənarında mühasirədə saxlayırlar.
Qəzzədəki müxbirlərdən birinin verdiyi məlumata görə, bu fələstinli ailənin qohumlarından biri deyib: Bir yaşlı fələstinli qız uşağı “Təla əl-Əstəl” digər 5 bacı-qardaşı ilə birlikdə 34 gündür ki, şəhid olmuş analarının cənazəsi kənarında Xan Yunisdəki Kamal Nasir məktəbində sionist hərbiçilərinin mühasirəsindədir.
Bu ailənin əmisi oğlu olan bu şəxs verdiyi müsahibədə Xan Yunisdəki Kamal Nasir məktəbində mühasirə olunmuş bu ailənin xilas olunmasını istəyib.
O, əlavə edib: Digər fələstinli qaçqınlar özlərini sionist hərbiçilərinin mühasirəsində olan Xan Yunisdəki Kamal Nasir məktəbindən xilas edə biliblər. Yalnız bu ailə mühasirədə ilişib qalıb və hətta bu soyuq fəsldə qida və istilik vasitələrinə sahib deyillər.
Bu uşaqların anası bundan öncə sionist hərbiçilərinin açdıqları atəş nəticəsində şəhid olub və bu uşaqlar 34 gün keçdikdən sonra, hələ də analarının cənazəsi kənarında vacib olan ilk imkanlara sahib olmadan mühasirədədirlər.