Sionist işğalçıları çərşənbə axşamı səhər saatlarına yaxın bir vaxtda İordan çayının qərb sahillərində yerləşən Qəlqiliyyədəki Əzun şəhərciyinə hücum ediblər və fələstinli gənclərlə toqquşublar. Bu toqquşmalarda 5 nəfər fələstinli gənc sionist hərbiçilərinin açdıqları atəş nəticəsində şəhid olub.
Fələstin İnformasiya Mərkəzi fələstinli yerli mənbələrə istinadən bildirib: İşğalçı qüvvələr Qəlqiliyyədə yerləşən Əzun şəhərciyinə hücum etməklə Əl-Fəccə məhəlləsindəki bir yaşayış binasını mühasirəyə alıb, ona tərəf atəş açıblar.
Bu mənbələr bildiriblər ki, fələstinli gənclərlə sionist hərbiçiləri arasındakı silahlı qarşıdurmalar şəhərin müxtəlif yerlərində baş verib və bu qarşıdurmalarda 5 fələstinli gənc şəhid olub.
Yerli mənbələr bildiriblər ki, işğalçı qüvvələr Qəlqiliyyə şəhərindəki Nablus küçəsi yaxınlığında fələstinli bir gənci güllə ilə yaralayıb, daha sonra ona əziyyət veriblər. Həmçinin təcili yardım maşınına tərəf atəş açmaqla onun xətəxanaya aparılmasının qarşısını alıblar.
Qəlqiliyyənin şərqindəki Əzun şəhərciyi sakinləri şəhidlərin xatirəsini əziz tutmaq üçün ümummilli tətil elan ediblər.