Amerika qəzetlərindən biri şənbə günü (23 Dekabr) peyk görüntülərinə və beynəlxalq hesabatlara istinad edərək verdiyi hesabatda yazıb ki, İsrail rejiminin Qəzzə zolağına qarşı hərtərəfli hücumları nəticəsində əmələ gəlmiş dağıntıların həcmi və genişliyinin cari əsrdə bənzəri olmayıb.
Bu hesasatda deyilib: “İsrail, 3 il ərzində Hələbdə dağıdılmış binaların iki qatını, təkcə 7 həftə ərzində Qəzzənin şimalında dağıdıb.”
Xarici KİV-in verdiyi məlumata görə, Fələstin Səhiyyə Nazirliyi Qəzzə müharibəsindən 11 həftə keçdikdən sonra sionist rejiminin geniş həcmli hücumları zamanı həyatlarını itirən fələstinlilərin sayının 20 000-dən çox olduğunu bildirib. Peyk məlumatları da bu bölgədəki məscidlər, dükanlar, evlər və məktəblər kimi tikililərin üçdə birindən çoxunun dağıdıldığını xəbər verib.
Mütəxəssislərin fikrincə, Qəzzədə müharibə nəticəsində əmələ gəlmiş dağıntılar, hətta Almaniyanın ikinci dünya müharibəsindəki bombardmanlarından yaranmış dağıntıları da keçib və mülki şəxslərin istifadəsində olan binaların 33%-ə yaxını bu müharibədə dağıdılıb. Sionistlərin geniş həcmli hücumları nəticəsində Qəzzədə yaranmış vəziyyət tarixdə dinc insanların öldürülməsi ilə bağlı ən ağır əməliyyatlardan birini Qəzzə üçün qeydə alıb.
Sionist rejimi ordusu Qəzzədə istifadə etdiyi bomba və artilleriyaların növləri barəsində bir söz deməyib. Bununla yanaşı, aparılan təhlillərə görə, hərbi mütəxəssislər tamamilə əmindirlər ki, bu bölgədə istifadə olunmuş bombaların böyük əksəriyyəti Amerika istehsalıdır.
Bu silahlar arasında Qəzzənin izdihamlı bölgələrində yüzlərlə insanın şəhadətinə səbəb olmuş 2000 funt sterliqlik səngər əleyhinə bomba da var. İndi dünya ictimaiyyəti Qəzzə müharibəsində həyatlarını itirənlərin sayının 20 000-i keçməsi ilə müharibənin bitməsini tələb ediblər. Buna baxmayaraq, sionist rejimi bildirib ki, HƏMAS-ın hərbi imkanlarını tamamilə aradan aparana qədər müharibəni davam edəcək.