Qəzzədəki Fələstin Səhiyyə Nazirliyi sionist rejiminin bölgədəki fələstinlilərə qarşı olan hücumlarında şəhid olanların sayının 21 672 nəfərə yüksəldiyini bildirib.
Bu məlumata əsasən, Qəzzədəki Səhiyyə Nazirliyi bildirib ki, işğalçı ordunun Qəzzə zolağına olan hücumlarında həyatlarının itirib şəhid olanların sayı 21 672 nəfərə və yaralıların sayı isə 56 165 nəfərə çatıb.
Bundan əvvəl də, Fələstinin tibbi mənbələri bildirmişdilər ki, sionist rejimi ordusunun hücumları və bombardmanları nəticəsində təkcə 24 saat ərzində 100 fələstinli şəhid olub.
Qəzzə zolağındakı Fələstin müqavimət qüvvələri 7 Oktyabr 2023-cü il tarixində işğalçı rejimin davamlı cinayətlərinə, o cümlədən fələstinlilərin öldürülməsi, Əl-Əqsa məscidinə qarşı hörmətsizlik, oranın mühafizəçilərinə qarşı təcavüzkarlıq və sionist hərbiçilərinin dəstəyi ilə köçkünlərin hücumuna reaksiya verərək, “Əqsa Fırtınası” adlı əməliyyat keçirməklə Qüds işğaçılarının mövqelərini və bazalarını atdıqları onlarla raketlə hədəfə alıblar.
Sionist rejimi bu məğlubiyyətin ardınca, Əqsa Fırtınası əməliyyatı baş verən gündən indiyədək davamlı və cinayətkar hücumlarla, o cümlədən yaşayış məntəqələrinin davamlı bombalanması, dinc əhalinin, qadınların və uşaqların öldürülməsi, Qəzzədəki fələstinlilərin su və elektriyinin kəsilməsi, xəstəxanaların və təcili yardım maşınlarının bombalanması kimi kollektiv cəzalandırma sayılan hərbi cinayət siyasətinin icra olunması, ağ fosfora malik bombalar da daxil olmaqla, qadağan olunmuş silahların istifadəsi ilə məşğuldur.
Sionist rejimi geniş həcmli hərbi cinayətlər törətdikdən, fələstinli qadın və uşaqları amansız öldürdükdən sonra nəhayət, ictimai rəyin təzyiqi nəticəsində və HƏMAS-ın məhv edilməsi və əsirlərin heç bir qeyd-şərtsiz azad olunması da daxil olmaqla elan edilən hərbi məqsədlərin heç birinə yetişmədən, cümə günündən etibarən (24 Noyabr) HƏMAS-la 4 günlük atəşkəsi, əsirlərin mübadiləsini və Qəzzəyə hümanitar yardımların göndərilməsini qəbul edib. Daha sonra bu atəşkəs Qətər, Misir və ABŞ kimi vasitəçilərin səyi ilə 2 gün və sonra 1 günlük uzadıldı. Nəhayət, bu rejim 7 günlük müvəqqəti atəşkəsdən sonra cümə günü (1 Dekabr) atəşkəsi davam etdirməkdən boyun qaçırdı.