Xəbər agentliklərindən birinin müxbiri sionist rejiminin Qəzzə zolağının cənub və mərkəzi bölgələrinə hava və minaatan hücumlarının davam etdiyini bildirib.
O, bildirib ki, sionist rejimi ötən gecə Rəfəh və Xan Yunisdə faciəli qətllər törədib və bu da, onlarla fələstinlinin şəhid olması və yaralanması ilə nəticələnib.
Müxbir deyib: Sionist rejimi hər gecə insanları daha təhlükəsiz olması ümidi ilə Rəfəhə getməyə məcbur edir, amma öz bombardmanları ilə təhlükəsizliyi tamamilə aradan aparır. Ötən gecə Rəfəhin Əş-Şabura düşərgəsində ən böyük qırğın baş verib və onlarla insan şəhid olub.
O, əlavə edib: 20 şəhidin cəsədi Əl-Kuveyti xəstəxanasına və digər 16 cəsəd isə Rəfəhlə Xan Yunis arasındakı Avropa xəstəxanasına çatdırılıb. Bu, azı 36 nəfərin Rəfəhdə şəhid olması deməkdir.
Müxbir, həmçinin bildirib: Xan Yunisin şimal və şərqində çoxlu sayda yaşayış binaları var ki, sionist qüvvələrinin işğalı və oradakı qarşıdurmalara görə, yardım maşınları oraya daxil ola və sakinlərə kömək edə bilmirlər. Qəzzənin mərkəzi bölgələri də ötən gecədən indiyədək sionist minaatanlarının və tanklarının birbaşa hədəfi olublar. Belə ki, yardım maşınları onlarla yaralı və şəhidi Əl-Əqsa Şəhidləri xəstəxanasına gətiriblər. Bu xəstəxana mərkəzi bölgədə yaralıları qəbul edən yeganə xəstəxanadır.
Müxbir vurğulayıb ki, ötən gecə Əl-Bəric, Əl-Məğazi, Ən-Nəsirat düşərgələrində və Dir əl-Bələh yaxınlığındakı Əz-Zəvayidə kəndində baş verən bombardmanlar zamanı azı 40 nəfər şəhid olub.
O, əlavə edib: Şəhidlərin sayının artacağı mümkündür. Çünki, minaatan hücumları səhərdən indiyədək (günorta saatları) dayanmayıb.
