Sionist rejimi ordusu Qəzzənin mərkəzində yerləşən Əl-Məğazi düşərgəsinə vəhşicəsinə hücumlar etməklə böyük cinayət və kütləvi qətl törədib. Bu hücumlar nəticəsində, 85 nəfərdən çox insan şəhid olub və şəhidlərin sayının artacağı gözlənilir.
Fələstin İnformasiya Mərkəzinə istinadən verilən məlumata əsasən, Qəzzə zolağındakı Fələstin Səhiyyə Nazirliyinin sözçüsü Əşrəf əl-Qədrə bildirib ki, sionist rejimi ordusu Qəzzə zolağının mərkəzində yerləşən Əl-Məğazi düşərgəsində böyük cinayət və kütləvi qətl törədib, tam bir yaşayış blokunu da bombalayıb.
Qəzzədəki Fələstin Dövlət İnformasiya ofisi bu cinayətdə 68-dən çox fələstinlinin şəhid olduğunu və onlarla insanın yaralandığını bildirib.
Həmçinin peyk kanallarından biri Qəzzə zolağının mərkəzindəki Əl-Məğazi düşərgəsinin vəhşicəsinə bombalanması nəticəsində şəhid olanların sayının 85 nəfərdən çox olduğunu bildirib.
Əl-Əqsa Şəhidləri Xəstəxanasının sözçüsü də vurğulayıb ki, bu xəstəxanaya köçürülən şəhidlərin çoxu qadın, uşaq və yaşlı insanlardır.
Məlumata görə, israilli işğalçılar tərəfindən Əl-Məğazi düşərgəsinin vəhşicəsinə bombalanması zamanı şəhid olanlar arasında bir südəmər körpə də var.
HƏMAS hərakatı bu hadisəyə reaksiya verib və Əl-Məğazi cinayətinin məğlub olmuş orduya ruhiyyə bağışlama cəhdi olduğunu bildirib. HƏMAS İslami Müqavimət Hərəkatı vurğulayıb ki, cinayətkar sionist düşmən dünən gecə Qəzzə zolağının mərkəzindəki Əl-Məğazi qaçqın düşərgəsində vəhşicəsinə cinayət törədib və bölgədəki fələstinlilərin evlərini bombalayıb. Nəticədə, onlarla insan şəhid olub. Bu cinayət Qəzzədəki fələstinli uşaqların və mülki şəxslərin qətliamı və kütləvi qətlinin davamı olaraq həyata keçirilib.